Расман: Папу Гомес допинг сабабли 2 йилга дисквалификация қилинди

Сентябрь ойида "Севилья" билан шартномасини бекор қилиб, "Монца"га ўтган футболчи антидопинг қўмитасидан 2 йилга четлатилгани борасида хабар олган. Ҳозирча Гомес аппеляция берадими йўқми, аниқ эмас.

Тақиқланган дорини Гомес 2022 йилнинг ноябрида, ЖЧ стартидан олдин қабул қилган. Ўшанда "Севилья" машғулотига антидопинг қўмитасидан вакиллар ташриф буюрган ва Гомесдан тахлил олган.

Футболчининг талқинига кўра, тахлил олишдан бир неча кун олдин у ўзини ёмон ҳис қилган ва шифокорларнинг кўрсатмасисиз болаларининг сиропларини истеъмол қилган. ВАДА қоидаларига кўра, бу футболчини оқламайди. Футболчи шахсан ўзи тақиқланган дориларни билиши керак.

35 ёшли футболчи ва "Севилья" барчасидан бохабар бўлиб турган. Ушбу ҳафтада футболчи 2 йиллик дисквалификацияни қабул қилиб олди.

ЖЧ-2022да Гомес икки ўйинда - Саудия Арабистони (1:2) ва Австралия (2:1) термасига қарши баҳсларда майдонга тушди.