Расман: "Манчестер Юнайтед" Андре Онана билан шартнома имзолаганини эълон қилди
20 июл 2023 23:03
Янгиликлар

Расман: "Манчестер Юнайтед" Андре Онана билан шартнома имзолаганини эълон қилди

Камерунлик дарвозабон Андре Онана “Манчестер Юнайтед”га ўтди. Бу ҳақда клуб матбуот хизмати хабар берди.

Футболчи манкунианликлар билан 2028 йилнинг ёзига қадар шартнома имзолади. Эслатиб ўтамиз, ҳафта бошида “Манчестер Юнайтед” Онана трансфери учун “Интер”га 55 миллион евро тўлаши ҳақида хабар берилган эди.

27 ёшли дарвозабон “нерадзурри” сафида 2022 йилнинг ёзидан буён тўп тепаётганди. 2022/2023 йилги мавсумда Онана "Интер" билан биргаликда Чемпионлар лигаси финалига чиқди, унда миланликлар "Манчестер Сити"га ютқазди (0:1). "Нерадзуррилар" сафида А Серия доирасида камерунлик футболчи 24 та ўйин ўтказиб, 24 та гол ўтказиб юборган. Шунингдек, 8 баҳсда дарвозаси дахлсизлигини сақлаб қолган.

Ҳавола :

Манба : manutd.com

Янгиликларни Телеграмда ўқинг!

Рейтинг: +5