Расман: Жасур Жалолиддинов - "Қайрат" ўйинчиси!
10 фев 2022 18:05
Янгиликлар
Расман: Жасур Жалолиддинов - "Қайрат" ўйинчиси!
Ярим ҳимоячи Жасур Жалолиддинов янги мавсумни Қозоғистоннинг "Қайрат" жамоаси таркибида бошлайди.
"Қайрат" ўзбекистонлик футболчини ижарага олди.
"Жасур жамоамизда ижара асосида ҳаракат қилади ва қайд этиш керакки, клубда уни харид қилиш ҳуқуқи бор. Шартнома 2022 йилги мавсумнинг сўнггига қадар мўлжалланган. Хуш келибсиз, Жалолиддинов", - дейилади клуб хабарида.
"Қайрат" мамлакатнинг 3 карра чемпиони ҳисобланади. Айни дамда бу жамоани Қурбон Бердиев бошқармоқда. Ўтган мавсум "Қайрат" мамлакат чемпионатида бронза медалларни қўлга киритди. Жасур Жалолиддиновнинг "Локомотив" билан 2023 йил охиригача шартномаси бор.
Эслатиб ўтамиз, аввалроқ сайтимиз орқали хавбекнинг Қурбон Бердиев таклифига биноан қозоқ клубига ўтиши ҳақида маълумот берган эдик.
Кейинчалик Тошкентнинг "Локомотив" жамоаси ҳам бу ҳақда расмий маълумот берганди.


Ўхшаш янгиликлар
championat.asia
Роналду ММА-промоушен акциядорига айланди
Морган Роналдунинг шартли дисквалификацияси ҳақида: "Тўғри қарор. Криштиануни атайлаб кийимидан тортишган"
Манба: Самвел Бабаян - "Андижон" бош мураббийи!
Суперлига. Голи инобатга олинмаган ва бир киши кам қолган "Пахтакор" "Навбаҳор" майдонида очко йўқотганига қарамай, мавсумни иккинчи ўринда якунлади
Фикрлар