Феде Вальверде кечаги ўйиндан кейинги айбловларга жавоб берди: "Суягим синган ҳолатларда ҳам ўйнаганман. Бу айбловлар мени хафа қилди"

Ушбу учрашувда Федерико Вальверде захирада қолди. Бу ҳолатдан сўнг турли нашрлар футболчининг қанотда ўйнашни истамагани ва шу сабабли майдонга тушишдан бош тортгани ҳақида ёзди. Федериконинг ўзи эса бу айбловларга жавоб қайтарди.

"Мен обрўйимга путур етказадиган бир қанча мақолаларни ўқидим. Ёмон ўйин кўрсатганимни биламан ва бунинг фарқидаман. Буни яширмайман, танқидга тўғридан-тўғри юзланаман. Ҳақиқатан ҳам бу мени хафа қилди.

Одамлар мен ҳақимда кўп нарсалар айтишлари мумкин, лекин ҳеч қачон мен ўйнашдан бош тортади дея олмайдилар. Мен бу клуб учун бор куч-ғайратимни сарфладим, суягим синган, жароҳатланганим ҳолда ўйнадим ва ҳеч қачон шикоят қилмадим ёки дам олишни сўрамадим.

Мураббий билан яхши муносабатдаман, шунинг учун майдонда қайси позицияда ўйнашни афзал кўришимни айтишга етарлича ишончим бор, аммо ҳар доим исталган жойда, ҳар қандай сафарда ва ҳар бир ўйинда ўйнашга тайёр эканлигимни аниқ-равшан айтганман.

Мен бу клубга бутун қалбим ва вужудимни бахшида этдим ва шундай давом этаман, ҳатто баъзида бу етарли бўлмаса ёки ўзим хоҳлагандек ўйнамаётган бўлсам ҳам.

Ўз ғурурим билан қасам ичаманки, ҳеч қачон таслим бўлмайман ва охиригача курашаман, қаерда керак бўлсам, ўша ерда ўйнайман"