Расман: "Аякс" де Лигтнинг ўрнини тўлдириш мақсадида янги футболчи сотиб олди
20 июл 01:00
Янгиликлар

Расман: "Аякс" де Лигтнинг ўрнини тўлдириш мақсадида янги футболчи сотиб олди

Мексиканинг «Америка» клуби ҳимоячиси Эдсон Альварес расман «Аякс» аъзосига айланди.

Футболчи билан келишув 5 йилга мўлжалланган бўлиб, унинг трансфер баҳоси 15 млн еврони ташкил этди. 20 ёшли ўйинчи Мексика термаси аъзоси ҳисобланади. У бир неча кун олдин бўлиб ўтган КОНКАКАФ-2019 Олтин Кубогида жамоадошлари билан бош соврин эгасига айланди.

«Аякс» раҳбарияти мазкур футболчини Маттейс де Лигтнинг ўрнини тўлдиришига ишонмоқда.

Альварес ҳали ёш бўлишига қарамасдан, терма либосида 28 ўйинда майдонга тушиб, бир бора рақиблар дарвозасини ишғол этишга муваффақ бўлган.