"Барчага хайрли кун. Дастлаб ЎФАга таклиф учун раҳмат айтмоқчиман. Менимча барча жамоалар учун Осиё Кубоги саралашидан олдинги сўнгги тайёргарлик бўлади. Бу ерда эканимиздан хурсандмиз", - деди Александр Крестинин.
- Қирғиз Республикаси терма жамоаси шу пайтга қадар Ўзбекистонни юта олмаган. Эртага имкониятларни қандай баҳолайсиз?
- Тарихни ўзгартира олмаймиз, аммо биз янги тарих яратишга уринамиз. Эртага ажойиб ва қизиқарли ўйин бўлади, бунга шубҳа йўқ.
- Ушбу мусобақадаги жамоаларнинг имкониятларини ҳақида нима дея оласиз?
- Биз янги жамоа қурмоқдамиз, 2019 йилги Осиё Кубогида ўйнаганлардан кўпчилиги ҳозир термада йўқ. Аммо мен ёшларга ишонаман. Қирғиз Республикасининг имконияти катта.
- Ўзбекистон терма жамоасида кўплаб легионерлар бор. Уларга қарши қандай услуб қўлламоқчисиз?
- Ҳа хорижда ўйнаётган футболчилар ҳақида маълумотга эгамиз. Аммо қайсидир битта футболчига эътибор қаратмаймиз, биз Ўзбекистон миллий терма жамоасига қарши ўйнаймиз. Балки эртага шу футболчилар ўйнамас, билмаймизку тўғрими.
- Наманганда қандай мухлислар борлигини биламан. Терма жамоа доим ҳам бу ерда ўйнайвермайди, трибуна тўла бўлади деб ўйлайман. Мухлислар билан тўла стадионда ўйнаш ҳаммага ёқди. Эртага 100 фоиз шиддатли ўйин бўлади.
- Терма жамоада йўқотишлар бор. Коронавирус туфайли ва жароҳат туфайли Наманганга кела олмаган футболчилар бор. Бу футболнинг бир қисми ҳисобланади.
