Пьянич: "Аббос Файзуллаев "Барселона"га ўтишни истаса, ўз орзусига ишониши ва у томон интилиши лозим"

- Сиз "Барселона"да тўп тепгансиз. Сизнингча, Файзуллаевда вақти келиб бу клубга ўтиб, ўз орзусини рўёбга чиқариш имконияти борми?

- Аббосда футбол фазилатларининг бутун бир тўплами мавжуд. У ҳали яна бир неча қадам олдинга силжиши керак, лекин келинг, у айни пайтнинг ўзидаёқ нимага эришганини қарайлик. У қаердан бошлаган ва бундай ёшида нималарга эришди. Файзуллаев мунтазам равишда ўсиб бормоқда, унинг дунёқараши кенг, футболни севади ва ўйиндан завқ олади. Агар у "Барселона"га ўтишни истаса, демак, ўз орзусига ишониши ва у томон интилиши лозим. Йўл жуда мураккаб ва узоқ, бироқ ундан асло четга чиқмаслик ва суръатни пасайтирмаслик керак. Ҳар куни астойдил меҳнат қилиш, машқ қилиш ва бутун куч билан ўйнаш, ҳар жиҳатдан яхшироқ бўлишга интилиш зарур. Бошқа йўл йўқ. Муҳими, ўзига чеклов қўймаслик, аксинча, ҳар қандай вазифани уддалай олишига ишониши керак. Аббосни порлоқ келажак кутаётганига шубҳа қилмайман.

Аввалроқ Файзуллаевнинг "Бенфика"га трансфери барбод бўлгани маълум бўлган эди.