ПСЖ "Реал" ярим ҳимоячисини харид қилмоқчи
21 июл 17:36
Янгиликлар

ПСЖ "Реал" ярим ҳимоячисини харид қилмоқчи

ПСЖ раҳбарияти ушбу ёзги трансфер ойнасида "Реал" ярим ҳимоячиси Эдуардо Камавингани қўлга киритишга ҳаракат қилади.

"Marca" хабарига кўра, парижликлар бош мураббийи Луис Энрике 22 ёшли франциялик футболчи билан шартнома имзолашни талаб қилмоқда.

Унинг фикрича, Камавинга ПСЖ ярим ҳимоясини кучайтира олади.

Эслатиб ўтамиз, "Реал" сўнгги пайтларда жароҳати туфайли жуда кўп ўйинларни ўтказиб юбора бошлаган футболчини сотишга қарши эмас. Айни дамда экспертлар франциялик футболчининг трансфер қийматини 60 миллион еврога баҳоламоқда.

Эслатиб ўтамиз, Эдуардо Камавинга ўтган мавсум "қаймоқранглилар" таркибида Испания чемпионатида 19 ўйинда майдонга тушиб, 1 та гол ва 2 та голли пасга муаллифлик қилди.

Ҳавола :

Манба : Marca

Янгиликларни Телеграмда ўқинг!

Рейтинг: +3