ПСЖ Рамосга 1+1 кўринишдаги шартнома таклиф қилиш ниятида. Ўйинчи йилига 13 миллион евро маош олишни истаяпти
30 июн 2021 17:38
Янгиликлар

ПСЖ Рамосга 1+1 кўринишдаги шартнома таклиф қилиш ниятида. Ўйинчи йилига 13 миллион евро маош олишни истаяпти

"Реал" билан тузилган шартнома муддати бир кундан кейин ниҳоясига етадиган Серхио Рамос ПСЖ билан музокараларни давом эттирмоқда.

L’Équipe нашри хабарига кўра, испаниялик ҳимоячи йилига 13 миллион евро маош тўланадиган 2 йиллик шартнома хоҳламоқда.

Парижликлар 35 ёшли футболчига бундай шартнома таклиф қилишни тўғри қарор, деб ҳисоблашмаяпти. Клуб Рамос билан 1+1 кўринишдаги шартнома тузмоқчи.

Эслатиб ўтамиз, футболчи "Реал" билан айнан шартнома муддати бўйича келишолмагани оқибатида клубдан кетишга қарор қилганди. Мадрид клуби собиқ сардорига фақатгина бир мавсумлик шартнома таклиф қилганди.

Ўтган мавсумда Рамос Ла Лига доирасидаги 15 ўйинда майдонга тушди ва 2 та гол урди.

Ҳавола :

Манба : L’Équipe

Янгиликларни Телеграмда ўқинг!

Рейтинг: -4