ПСЖ президенти: "УЕФА бизни тинч қўйсин"
21 май 2018 18:26
Янгиликлар

ПСЖ президенти: "УЕФА бизни тинч қўйсин"

ПСЖ президенти Носир Ал-Ҳелайфи УЕФА молиявий фэйр-плейга амал қилмагани учун Париж клубига қўллаши мумкин бўлган санкциялар ҳақида фикр гапириб берди.

"Агар тўғрисини айтадиган бўлсам, бизга санкция қўллашса ҳайрон қоламан. Катта можаро бўлади. Биз доимо қоидаларга амал қилганмиз. Бу ҳақиқат, УЕФА бизнинг МФПни (молиявий фэйр-плей) жуда жиддий, хатто адолатсиз муҳокама қилмоқда.

Ёмон иш қилмадик. Улар пулларимиз қаердан келганини билишади, ҳеч қандай қарзимиз йўқ, молиявий кафолатларни тақдим этдик. Бошқа клубларда қарздорлик бор. Биз барча харажатларни қоплаяпмиз, улар биздан нима истайди? Бизни тинч қўйишсин.

Янги ҳомийларга эга бўламиз. Nike билан музокаралар ўтмоқда, тез орада янги битим имзолаймиз. Титул ҳомийимиз (Emirates) билан келишув якунига етмоқда, биз бошқа даъвогарлар билан ҳамкорлик қилиш имкониятларини кўриб чиқяпмиз" - дейди Ал-Ҳелайфи.

ПСЖ 2014 йилдаги қоидабузарлик учун трансферларга 60 млн. евродан кўпроқ пул сарфлаш тақиқланган эди. Бу йил санкциялар каттароқ бўлиши мумкин.

Ҳавола :

Манба : L’Equipe

Янгиликларни Телеграмда ўқинг!

Рейтинг: +11