Превью. "Шўртан" - "Локомотив"

«Шўртан» (Ғузор) – «Локомотив» (Тошкент)
24 апрель 2016. Ғузор. "Ғузор" стадиони. 17:00
Ҳакамлар: И. Танташев (Бухоро), Р. Серазетдинов (Тошкент), Т. Гайнулин (Тошкент), Ш. Ражабов (Бухоро)
Назоратчи: Х. Мухторов (Самарқанд).
ЎзПФЛ вакили: Г. Ртвеладзе.

“Шўртан” ва “Локомотив” олий лигада ўзаро 18 марта тўқнаш келишган. Натижалар Тошкент клубининг устунлигини кўрсатмоқда. “Локо” 18та ўйиндан 8тасида ғалаба қозонган. 3та учрашувда дуранг натижаси қайд этилган. Ғузорликлар ҳисобида 7та ғалаба мавжуд. Тўплар нисбати ҳам  “Локомотив” фойдасига 34-18. Ўзаро ўинларда “Локомотив”  27 очони қўлга киритган бўлса, “Шўртан” 24 очкога эга бўлган.

“Локомотив”нинг “Шўртан” устидан қозонган энг йирик ғалабаси 4:0га тенг. “Шўртан”нинг энг йирик ғалабаси эса – 2:0.

Ўтган мавсумда “Локомотив” иккала баҳсда ҳам йирик ҳисобда ғолиб чиққан. Ғузорда Темурхўжа Абдухолиқов, Жасур Ҳасанов, Санжар Шоаҳмедов ва Марат Бикмаев ўша баҳсда ўз номларини таблога ёздириб қўйишганди – 0:4. Тошкентда эса кичик Жасур Ҳасанов, Дилшод Раҳматуллаев, Тимур Кападзе ва Икром Алибоевнинг голларига “Шўртан” сафида Ғулом Ҳайдар Ғуломов жавоб берганди – 4:1.  

Ғузорда ўтган сўнгги беш учрашув:
20.06.2015 «Шўртан» - «Локомотив» 0:4
29.10.2013 «Шўртан» - «Локомотив» 0:4
17.03.2012 «Шўртан» - «Локомотив» 2:1
14.06.2010 «Шўртан» - «Локомотив» 3:2
23.08.2009 «Шўртан» - «Локомотив» 3:2

Ўзаро ўйинлар ҳақида факт: “Локомотив” Ғузорда уч бор ғалабага эришган. Бир марта дуранг қайд этилган, қолган 5та ўйинда “Шўртан” уч очкони Ғузорда олиб қолган. Охирги икки ўйинда “Локо” Ғузорда бир хил 4:0 ҳисобларида ғолиб бўлган.