Превью. "Қўқон-1912" - "Сўғдиёна"

«Қўқон-1912» (Қўқон) – «Сўғдиёна» (Жиззах)
16 июнь 2016. Қўқон. "Марказий" стадион. 18:00
Ҳакамлар: О. Толибжонов (Тошкент), Т. Галеев (Тошкент), А. Пўлатов (Тошкент), Р. Лутфулин (Тошкент)
Назоратчи: А. Хотамов (Тошкент).
ЎзПФЛ вакили: Р. Черников.

Бу икки клуб ўзаро 18 бор куч синашишган. Натижалар “Сўғдиёна”нинг устунлигини кўрсатмоқда. Жиззах клуби 9та ўйинда ғолиблик нашидасини сурган. 3та ўйин дуранг билан якунланган. “Қўқон-1912” бу рақибни олти бор мағлуб этган. Тўп киритиш борасида ҳам устунлик “Сўғдиёна” томонида – 30:21. Ўзаро ўйнларда “Сўғдиёна” 30 очкони қўлга киритган. “Қўқон-1912” эса ҳозиргача 21 очко ишлаб олган.

“Сўғдиёна”нинг “Қўқон-1912” устидан қозонган энг йирик ғалабаси – 4:0. Қўқонликларнинг энг йирик ғалабаси эса – 4:2.

Ўтган йил биринчи даврада “Сўғдиёна” ўз уйида иродали ғалабага эришган. Учрашувдаги ҳисобни Нодир Қўзибоев очганди. Сухроб Қобилов пенальтидан ҳисобни тенглаштирганди. Қизиғи иккинчи даврани Қобилов “Қўқон-1912” сафида бошлади. Акмал Абдураҳмоновнинг урган голи Жиззах клубига 3 очко келтирганди – 2:1. Водийда ҳам “Сўғдиёна” 3 очкога эга бўлган. Музаффар Музаффаров, Санжар Риҳсибоев, Жасур Ҳакимовнинг голларида мезбонлар сафида Отабек Ҳайдаров жавоб берганди – 1:3.
 
Қўқонда ўтган сўнгги беш учрашув:
05.11.2015 «Қўқон-1912» - «Сўғдиёна» 1:3
11.05.2002 «Қўқон-1912» - «Сўғдиёна» 1:0
12.09.2000 «Қўқон-1912» - «Сўғдиёна» 3:1
30.04.1999 «Қўқон-1912» - «Сўғдиёна» 2:1
21.06.1998 «Қўқон-1912» - «Сўғдиёна» 4:2

Ўзаро ўйинлар ҳақида факт: “Сўғдиёна” сафарда “Қўқон-1912”ни фақат бир марта мағлуб эта олган. Водий клуби ўз уйида 6 марта ғалабага эришган. Иккита учрашувда дуранг қайд этилган.