Превью. "Металлург" - "Қўқон-1912"

«Металлург» (Бекобод) – «Қўқон-1912» (Қўқон)
30 апрель 2016. Бекобод. "Металлург" стадиони. 17:00
Ҳакамлар: Р. Бобомуродов (Навоий), Б. Қодиров (Бухоро), А. Қўлдошев (Бухоро), А. Нажафалиев (Тошкент)
Назоратчи: Д. Роман (Тошкент).

“Металлург” ҳамда “Қўқон-1912” клублари олий лигада шу кунгача 12 бор куч синашишган. “Металлург” 4та ўйинда ғалаба қозонган. 6та учрашувда “Қўқон-1912”нинг қўли баланд келган. 2та ўйинда дуранг қайд этилган. Тўплар нисбатида устунлик қўқонликлар томонида: 21:17. “Қўқон-1912” ўзаро ўйинларда 20 очкога эга бўлган, “Металург” эса 14 очкони қўлга киритган. Бекободликларнинг “Қўқон-1912” устидан қозонган энг йирик ғалабаси 6:1га тенг бўлса, қўқонликларнинг энг йирик ғалабаси – 5:1.

Бир йил олдин Бекободда ўтган учрашувда майдон эгалари ғалаба қозонишган. Саиджон Абдужабборовнинг иккита голига Носир Отақўзиев жавоб берганди – 2:1. Худди шу ҳисоб водийда ҳам кузатилганди. Дастлаб ҳисобни “Металлург” вакили Мирғиёз Сулаймонов очганди. Иккинчи бўлимда Баҳодир Акрамов ва Носир Отақўзиев томонидан уриллан голлар “Қўқон-1912”га иродали ғалабани келтирганди – 2:1.

Бекободда ўтган барча учрашувлар:
06.06.2015 «Металлург» - «Қўқон-1912»  2:1
14.05.2003 «Металлург» - «Қўқон-1912»  3:1
23.03.2002 «Металлург» - «Қўқон-1912»  0:2
20.09.2000 «Металлург» - «Қўқон-1912»  6:1
18.04.1999 «Металлург» - «Қўқон-1912»  2:0
29.05.1998 «Металлург» - «Қўқон-1912»  1:1

Ўзаро ўйинлар ҳақида факт: “Металлург” ўз майдонида ўтказган 6та ўйиннинг тўрттасида ғолиб чиққан. Битта беллашувда томонлар очколарни бўлиб олишган. Яна битта учрашувда “Қўқон-1912” сафарда муваффақият қозонган.