Португалиядан таъсирли ҳикоя. "Спортинг" уйи ёниб кетган аёлга ёрдам берди

Ёнғин унинг уйини бутунлай вайрон қилди. У фақат бир нечта нарсаларни сақлаб қолди, шу жумладан клуб атрибутикаларини ҳам.

Интернетда вайрон бўлган бино ёнида турган кекса аёл тасвири тарқалиб кетди, унинг олдида "Спортинг" деб ёзилган тахтача ҳам бор эди.

Мухлислар хайрия акцияси эълон қилди, клуб эса ёши улуғ мухлисани стадионга таклиф этди. У ўйин олдидан жамоа билан бирга суратга тушди – арена бўйлаб қарсаклар садоси янгради.

Ҳамма қайғу, ҳеч бўлмаганда бироз вақтга унут бўлди. Мария ҳақиқий бахтни ҳис қилди.