Пол Гаскойнни ҳушсиз ҳолда топишди
21 июл 12:49
Янгиликлар
Пол Гаскойнни ҳушсиз ҳолда топишди
Англия терма жамоасининг собиқ футболчиси Пол Гаскойн ҳушини йўқотиб, шифохонада реанимацияда ётибди.
Бу ҳақда "Mirror Football" нашри хабар берди.
"Тоттенхэм" ва "Ньюкасл"нинг 58 ёшли собиқ ярим ҳимоячиси Англиянинг Пул шаҳридаги уйида ҳушсиз ҳолда топилди. Футболчини сўнгги пайтларда унга уй юмушларида ёрдам бериб келаётган эски дўсти Стив Фостер шу ҳолатда кўрган ва дарҳол шифокорларни чақирган.
Манбага кўра, Гаскойн реанимацияга ётқизилган, бироқ ҳозир унинг аҳволи барқарор ва тузалиб бормоқда. Тахминларга кўра, собиқ футболчи бир неча кун касалхонада қолиб, шифокорлар назоратида бўлади.
Гаскойн – Англия футболи Шон-шараф зали аъзоси. У 1990 йилги Жаҳон чемпионати ва 1996 йилги Европа чемпионатининг рамзий терма жамоаларига киритилган. Икки карра Шотландия чемпиони, Англия Кубоги ва Шотландия Кубоги совриндори саналади.
Ўхшаш янгиликлар
championat.asia
Аргентина ЖЧ-2026дан четлатилиши мумкин
Ла Лига. Рафиньянинг дубли "Барселона"га "Осасуна" устидан ғалабани тақдим этди
Туркия Суперлигаси. Шомуродовнинг гол ва ассисти "Башакшехир"га меҳмонда "Самсунспор" устидан ғалабани тақдим этди
ФИФА Туркий давлатлар Кубоги. Қулоққа қандай эшитилади?
Фикрлар