Пеп Гвардиола "Тоттенхэм"га қарши ўйиндан кейин Ҳусанов ҳақида жуда илиқ фикрлар билдирди

Ушбу учрашувдан сўнг "Сити" бош мураббийи Пеп Гвардиоладан Ҳусанов ҳақида сўрашди. Пеп эса ушбу вазиятда 20 ёшли ҳимоячи манзилига илиқ сўзларни билдирди.

"Менга ёнг ёққан нарса - Ҳусанов аллақачон кийиниш хонасининг ёқимтойига айланган. У бугунги ўйинга тиш чўткаси ва бошқа нарсалар турадиган махсус сумкасиз, шунчаки футбол ўйнаш учун келди. Сиз унга гапирган пайтингиз, у фақат кулиб туради.

Аммо у жуда ишончли ўйинчи, жуда тез, ўта эпчил, тўп билан берган пасларининг сифати жуда юқори. У линияларни ёриб ўта оляпти, ушбу қобилият унда бор. Албатта, у яхшилаши керак бўлган жиҳатлар бор, аммо у эндигина 20 ёш. Жуда катта тезликка эга ўйинчиларни кўрганман, Абдуқодир шундайлардан бири. 

Одамлар уни олқишлашмоқда. У камгап, тинмай ишлайди, нолимайди, камтар. "Сити" мухлислари уни жуда яхши кўриб қолишларига шубҳам йўқ. "Челси"га қарши ўйиндан кейин ўзини тиклаб олиш осон эмасди, аммо у ўша кундан бошлаб ўта босиқлик кўрсатди. Охирги ўйинларда Ҳусановнинг кўрсатган ўйини жуда жуда ажойиб бўлди", -дейди Пеп Гвардиола.