UZ

Сўнгги янгиликлар

23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  34 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3 18:35Илёс Зейтуллаев: "Андижон" учун мотивация муҳим роль ўйнади, "Бунёдкор" ажойиб мавсум ўтказди"  1 18:31Суперлига-2025. Игорь Сергеев — тўпурар  6 18:21Баҳром Ҳайдаров: "Плей-оффда ўйнайдиган 4 та клуб ҳам Суперлигада қолса керак"  0 18:10Иван Бошкович: "Қизил карточка ўйиннинг энг муҳим вазияти бўлди, "Қўқон-1912"га омад тилайман"  8

Ўзбекистон U-21 чемпионати лойиҳасини қайта кўриб чиқиш бўйича фикр алмашилмоқда Янгиликлар

Ўзбекистон U-21 чемпионати лойиҳасини қайта кўриб чиқиш бўйича фикр алмашилмоқда

Биласиз, Ўзбекистон Профессионал футбол лигаси ОФК талаблари асосида мусобақалар ўтказиш жараёнини босқичма-босқич такомиллаштириб келмоқда.

Жумладан, 2021 йилги мавсумда U-18 чемпионати илк бор катта масштабда ўтказилди, шунингдек, U-16 ҳамда U-14 мусобақалари ҳам ортда қолаётган йилда ўзгача тарзда ташкил этилди.

2020 йилга қадар ОФК лицензиялаш жараёнидан фақатгина Суперлига клублари ўтган бўлса, 2021 йилга келиб Про лига жамоалари ҳам ОФК лицензияси учун потенциал даъвогарга айланди. ЎзПФЛ бу орқали Суперлига ва Про лига клублари олдига қўйилаётган талабларни тенглаштирган ҳолда, Про лига клублари савиясини инфратузилма жиҳатидан Суперлигага яқинлаштириш йўлидан бормоқда. 2022 йилга келиб эса Биринчи лига клублари ҳам мазкур жараёнда ихтиёрий равишда иштирок этиши мумкин бўлади. Бу ҳолат келажакда Про лига ва Суперлига клублари сонининг ошишига хизмат қилади.

Айни вақтда Суперлига ва Про лига ўртасидаги ягона фарқ U-21 жамоасининг мавжуд ёки мавжуд эмаслиги бўлиб турибди. ЎзПФЛ 2022 йилги мавсумдан бошлаб мазкур масалага ҳам алоҳида эътибор қаратишни режалаштирмоқда. Яъни, эндиликда Про лига клублари қошида ҳам U-21 жамоаларининг ташкил этилиши босқичига ўтиш – асосий вазифа бўлади.

Маълумки, футболи ривожланган мамлакатларнинг U-21, U-23 каби чемпионатлари асосий таркибникидан алоҳида тарзда ташкил этилади. Ўзбекистон Профессионал футбол лигаси айнан шу масалада клублар билан U-21 чемпионатини алоҳида ташкил этиш масаласини кўриб чиқмоқда. Унга кўра, Суперлиганинг барча ҳамда Про лиганинг давлат корхоналари томонидан молиялаштирилаётган футбол клублари U-21 жамоасига эга бўлиши шарт этиб белгиланади. Про лигада иштирок этаётган хусусий клублар эса ихтиёрий равишда U-21 чемпионатига қўшилиш имкониятига эга бўлади. Мазкур ҳолат бизга U-18 чемпионати каби икки лига вакилларини умумий жамлаган алоҳида мусобақа ташкил этиш имкониятини яратади. Бу эса ўз навбатида ўзини кўрсатиш ниятида бўлган қатор ёш футболчиларга қўшимча ўринлар ташкил қилиш имконини беради.

Маълумки, U-21 чемпионатининг асосий таркиб жамоаларидан бир кун аввал ёки бир кун кейин майдонга тушиши, ўринбосарлар лигасига бўлган эътиборга ўз таъсирини кўрсатиб келмоқда. Яъни, барчанинг диққат эътибори барибир асосий таркиб жамоасида бўлади. Ҳатто бош мураббийлар ҳам U-21 чемпионатини кузатиш фонида ўз жамоасининг ўйинолди машғулотларида иштирок этаётган бўлади. U-21 чемпионатининг алоҳида ва умумий ташкил этилиши эса мазкур ёш тоифасидаги жамоаларга бўлган эътиборни тубдан ўзгартириш имконини беради.

ЎзПФЛ айни пайтда бу борада футбол клублари билан маслаҳатлашув олиб бориб, уларнинг фикрларини ўрганмоқда.

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика