UZ

Сўнгги янгиликлар

00:35"Лейпциг" Краусс билан 5 йиллик шартнома имзолади  0 00:22Токо-Экамби "Лион"га ўтди  0 00:20Спортчилар ижтимоий тармоқларда  1 00:05Машғулотлар тиклангач "Милан"нинг 2 ўйинчиси сафдан чиқди  1 23:50"Ювентус" Ауар учун курашда етакчилик қиляпти  1 23:34"Ростов" 20 ёшли футболчи билан шартнома имзолайди  0 23:06Альфонсо Дэйвис испан грандига ўтиши мумкин эди  1 22:49Рамос ва Каземиро "Реал" тарихидаги энг яхши футболчилардан тузилган рамзий жамоага киритилди  9 22:28ЕЧЛ плей-оффи қаерда ўтказилади?  0 22:13Найнгголан Римга қайтмоқчи  0 21:57"Пахтакор"нинг карантиндан кейинги биринчи машғулоти қандай ўтди?   2 21:55Премьер-лига клублари мавсум рестартидан олдин назорат баҳсларини ўтказади, унда ҳакамликни эса мураббийлар бажаради   0 21:37Вазирлар Маҳкамаси қарори ижроси, “Истиқлол”нинг кейинги тақдири, вилоятда клублар сони оширилиши. Фарғона вилояти футбол ассоциацияси биринчи вице-президенти Носир Отақўзиев билан суҳбат  10 21:35Расман: “Реал” Ла Лига рестартидан кейин қолган баҳсларни бошқа стадионда ўтказади  1 21:18Лукас Моура: “У АПЛ афсонасига айланиб бўлган”  2

Ўзбекистон терма жамоаси билан тарихни ёзишни мақсад қилган футболчи Янгиликлар

Ўзбекистон терма жамоаси билан тарихни ёзишни мақсад қилган футболчи

Энг иқтидорли ҳужумчилардан бири Элдор Шомуродов ФИФА расмий сайтига интервью берди.

Кеча сайтимизда ушбу интервьюнинг қисқа вариантини эълон қилгандик. Бугун тўлиқ ҳолда келтириб ўтамиз. 

Элдор Шомуродов ЖЧ-2022 саралаш баҳсларида 6та голи билан Ўзбекистон терма жамоасининг энг яхши тўпурари бўлиб турибди. Бу футболчи аввалига U-20 жаҳон чемпионатида, ундан кейин 2019 йилги Осиё Кубогида порлади. Эндиги мақсади эса асосий жамоа билан 2022 йилги мундиалда иштирок этиш. 

Ўзбекистон терма жамоасининг ЖЧ саралаш босқичларидаги иштирокини таҳлил қилганда ҳар гал бирорта футболчининг порлаб чиққани кўзга ташланади. Масалан, Германияда бўлиб ўтган ЖЧ-2006 саралаш учрашувларини ёдга олайлик. 

Ўшанда миллий терма жамоа сафида Александр Гейнрих порлаганди. Гейнрих саралаш босқичида ўзини кўрсатиб, рақиблар дарвозасига тўртта гол урган, бироқ плей-оффда Ўзбекистондан омад юз ўгириб Баҳрайн улоқни илиб кетганди. 

Ундан кейинги жаҳон чемпионати саралаш ўйинларида Максим Шацких ўзини кўрсатди. У ўз ҳисобига 8та гол ёзиб қўйди. ЖЧ-2014 саралаш ўйинларида Ўзбекистон яна муваффақиятли иштирок этди ва Жанубий Кореядан фақатгина тўплар нисбатига кўра ортда қолди. Ўшанда Сервер Жепаров ўзини кўрсатиб саралаш баҳсларида ўз ҳисобига тўртта гол ёзиб қўйганди. 

Орадан яна йиллар ўтди. ЖЧ-2022 саралаш ўйинлари етиб келди. Бу сафар юкни Элдор Шомуродов ўз гарданига олди. У ҳозирча 6та гол уриб, терма жамоамизга катта фойда келтирди. Эндиликда биз "D" гуруҳида кейинги босқичга чиқиш учун кураш олиб боряпмиз ва бунинг учун навбатдаги учта баҳсда ғалаба қозониш талаб этилади. 

"Жаҳон чемпионатига чиқиш барчамиз учун бирдек муҳим, ҳам халқимиз, ҳам жамоа, ҳам ўзим учун, - дейди "Ростов"да фаолиятини давом эттираётган 24 ёшли ҳужумчи. - 34 миллион аҳолисига эга Ўзбекистон мундиалга боришни йиллар давомида орзу қилади. Мен ҳам жаҳон чемпионати учун курашаётган жамоанинг бир қисми бўлишни хоҳлайман. Агар ўз мақсадимизга эришсак, бу воқеа юртимизда футбол янада ривожланишига сабаб бўлади". 

Шомуродов ўз интервьюсида яна шундай дейди: "Турли йиллардаги саралаш ўйинларини ёдга олсак, мундиалга чиқиш учун бир неча бор яқин келшганимизни кўрасиз. Лекин негадир ҳал қилувчи паллада доим омад юз ўгирган. Халқимиз биздан ижобий натижа кутяпти ва ўйлайманки, бу сафар ҳаммаси бошқача бўлади". 

Бўйи 190 см. бўлган ҳужумчи ўзининг айниқса абжирлиги ва голни сезиш қобилияти билан ажралиб туради. ЖЧ-2022 саралаш ўйинларининг ҳозирги босқичида Шомуродов Яман, Сингапур, Саудия Арабистони ва Фаластин билан кечган баҳсларда тўп киритиб ўз жамоасига ёрдам берди. Хўш, Шомуродов ўз вақтида қайси футболчиларга ҳавас қилган? 

"Менга кўпроқ Фернандо Торрес билан Дидье Дрогба ўйинларини кузатиш ёқарди, - дейди истиқболи порлоқ ҳужумчи. - Менга Торреснинг ўйин услуби ҳамда Дрогбанинг майдонда ўзини тутиши кўпроқ ёққан. Мен ҳам улар каби моҳир ҳужумчи бўлишни хоҳлайман".

 

Шомуродов кеча ё бугун чиқиб қолган футболчи эмас. У 2015 йил Янги Зеландияда ўтказилган U-20 жаҳон чемпионатида ҳам ўзини кўрсата олганди. Ўшанда у иккита голи билан ўз жамоасига ёрдам берган. "Бу мусобақа мен учун катта тажриба мактаби бўлган. Балки иккита гол уриш камдир, лекин айнан шу голлар менга ўз кучимга нисбатан ишонч тақдим этганди дея оламан". 

2016 йилдан бери Ўзбекистон миллий терма жамоасида ўйнаб келаётган Элдор Шомуродов шу пайтгача 42 учрашувда майдонга тушиб, 19та гол урган ва бу борада терма жамоа тўпурарлари орасида 7-ўринни эгаллаб турибди. У биринчи ўриндаги Максим Шацкихдан 15та голга ортда қоляпти ва шу кетишда ўзиб кетиши мумкин. 

"Ҳужумчи учун энг муҳими, голлар уриш, - дейди Шомуродов. - Чунки сизга урган голларингизга қараб баҳо беришади. Қолаверса қанча кўп тўп киритсангиз, мухлисларни шунча хурсанд қиласиз. Мен ҳар бир ўйинда гол урсам дейман. Орзуйим эса жаҳон чемпионатига чиқиш билан бирга Ўзбекистон терма жамоаси тарихидаги энг яхши тўпурарга айланиш. Бунинг учун бор кучимни ишга соламан". 

P.S. Нима ҳам дердик, ушбу орзу йўлида Элдор Шомуродовга омад тилаб қоламиз. Ўйлаймизки, бир кун келиб у ўз мақсадига эришади. 

Қуйида қўшимча маълумот сифатида Ўзбекистон терма жамоасида энг кўп гол урган футболчилар рўйхатини келтириб ўтамиз. 

1. Максим Шацких - 61 ўйин, 34 гол. 

2. Александр Гейнрих - 98 ўйин, 31 гол. 

3. Миржалол Қосимов - 66 ўйин, 31 гол. 

4. Сервер Жепаров - 128 ўйин, 25 гол. 

5. Одил Аҳмедов - 105 ўйин, 20 гол. 

6. Игорь Шквирин - 31 ўйин, 20 гол. 

7. Элдор Шомуродов - 42 ўйин, 19 гол.

Рейтинг: +17   

Фикрлар

+2   
30 мар 15:06:29
Erkin Quvatov
Гап йук Элдор , биз сиз билан доим биргамиз. Жарохатсиз футбол тилаймиз, биздан хам топ 5 чемпионатда уйнайдиган зур уйинчилар чиксин
+2   
30 мар 14:57:09
atm chenpion
Torres xaqiyqiy afsona uni oynlarda jozba bor edi. Eldorbek sengaxam Torresni yolni bersn omad
+1   
30 мар 15:19:42
Milliy
Maydonga tushgan fudbolchi jonini berib uynashi kerak anashunday fudbolchilardan biri sensan omadingni bersin bizham chiqaylik usha jaxon chenpionatiga yigitlar vijdonan uynalsa menimcha yaxshi buladi hammasi
+1   
30 мар 15:11:58
Rasul Naviyev
Eldor, sanga iloyim Drogbani yolini bersin u kabi O'zkesitonni mundialdagi ilk goli muallifiga aylanishini, APL da gollar bo'yicha Osiyoliklar ichida 100 lik davonni bitinchi bo'lib zapt etishini 1000 davonniyam hattoki. U kabi himoyachila korsa tizzasi qaltiraydigan hujumchi bol. Kuchli beshlikga ot va oz joyingni top va afsona bol. Seni osha yerdagi stadionda shaxsi burchagin bolsin "King Somurodov " degan. OMAD VA ULKAN MUOFAQIYATLAR.
ILOYIM YURTIZIMGA KOZ TEGMASIN PANDEMIYADAN BUTUN OLAMNI YARATGUCHIM OZIN SAQLA
+1   
30 мар 15:10:22
SFC muxlisi
Eldorni kuchli tomoni oz muddatda kop gol urgani. U 2018 dan keyin markaziy hujumda oynadi. Omad bir top klublarda koramiz seni inshaalloh!
+1   
30 мар 15:07:26
19811005
niyatiga etsin iloxim
   
30 мар 23:32:37
ФАРРУХ-ШОМА
Шатскихда бунданам куп булиши мумкин Эди лекин у 1-саралаш уйинларига келмасди Бир гал хитой тайпе га 5 та гол урганди. Шома эса аник 1 га чикволади
   
30 мар 21:50:09
Khan
Qoyil menham Torresga muhlis edim
   
30 мар 19:19:02
UFA bu UFA
JCH-2022 ga chiqishni maydonga tushgan xar bir futbolchi chin qalbdan xoxlashi kerak. 1 soniya maydonda tinch turmasligi kerak. Murabbiylar oʻz yoʻliga futbolni maydonda futbolchilar oʻynaydi. Xalq orzusi oʻz yoʻliga butun dunyo Oʻzbekistonda futbol mavjudligini koʻrsatish kerak lekin Saudiya Arabistoni bilan boʻlgan oʻyindan keyin xafsalam pir boʻldi.
   
30 мар 16:06:21
Draik
Элдоржон сен фахримизсан! Сен узбек футболини юзисан! Хеч качон уз устингда ишлашдан тухтама илтимос! Борингни бер! Албатта Инша Оллох максадларинга етишасан!!!
   
30 мар 15:06:52
19811005
omadini bersin
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг