Футболчимиз Одилбек Абдумажидов ҳам «Championat.asia»га интервью берди.
— Япония устидан қозонилган ғалаба ҳақида фикрларингиз…
— Япония Осиёнинг энг кучли терма жамоаларидан бири саналади. Энг катта кучимиз бўлган — мухлисларни стадионга киритишмади. Шундай бўлса ҳам халқимизнинг дуоси сабаб ютдик. Насиб қилса чемпион бўламиз.
— Бугунги ўйинга тактик томонлама қандай тайёргарлик кўрилган эди?
— Мураббийимиз жамоаларнинг камчилиги ва устун томонларини кўрсатади. Шунга қараб тайёргарлик кўрилди.
— Қандайдир чарчоқ йўқми?
— Ўйиндан кейин барча чарчоқ чиқиб кетди. Мухлислар финалда қўллаб-қувватлашади ва чемпион бўламиз!
