Ўткир Юсупов: "Тезкор гол “Нефтчи”га салбий таъсир қилмади"

- Муборакда биз осон бўлмаслиги аввалдан маълум эди. Жуда ҳам қийин ўйинни бошдан ўтказдик, - деб гап бошлади фарғоналиклар вакили -  Бизда ортда йўл йўқ эди. Шунинг учун фақат ғалабани кўзлаб майдонга чиқдик. Тезкор гол “Нефтчи”га салбий таъсир қилмади. Йигитлар ўзларига ишонган ҳолда фақат олдинга ҳаракат қилишди ва вазиятлардан унумли фойдаланишди.   

- Ўткир бугун жуда кўплаб вазиятларда сейвлар намойиш этдингиз. “Нефтчи”ни муқаррар голлардан асраб қолдингиз ? Қандай фикрдасиз, бу омад ёки маҳорат ?
- Албатта бир тарафдан омад ҳам келди деб ўйлайман. Жуда қийин вазиятларда жамоани голдан қутқариб, фойдам текканидан хурсандман.

- Ғалабага нимани асосий сабаб сифатида кўрсатасиз ?
- Йигитлар майдонда қаттиқ тер тўкиб меҳнат қилишди. Ҳамжиҳатлик бугун бизга ғалабани олиб келди. Энди “Шўртан”га қарши яна бир ўйин кутмоқда. Ушбу ўйинда ҳам чиройли ғалабага эришишни мақсад қилганмиз. Ниятимиз, мухлисларни хурсанд қилиб, уларнинг олдида юзимиз ёруғ бўлишдир.

“Нефтчи” матбуот хизмати.