Одилбек Абдумажидов: "Ўзбекистонда кўпроқ техникага асосланган футбол ўйналади. Қозоғистонда эса кучга кўпроқ эътибор қаратилади"
04 мар 2023 00:19
Янгиликлар

Одилбек Абдумажидов: "Ўзбекистонда кўпроқ техникага асосланган футбол ўйналади. Қозоғистонда эса кучга кўпроқ эътибор қаратилади"

Теглар : Одилбек Абдумажидов "Пахтакор""Олимпик"

Coca-Cola Суперлигасининг 1-туридан ўрин олган "Пахтакор" — "Олимпик" учрашувидан сўнг меҳмонлар футболчиси Одилбек Абдумажидов ғалаба ҳақида фикр билдирди.

- Расмий дебют ва голингиз ҳақида фикрингиз?

- Нима ҳам дея оламан. Аллоҳ насиб қилди, гол урдим. Чемпион жамоага қарши ўйнадик. Улардаги аксарият футболчилар терма жамоада ўйнашади, ўзимизнинг акаларимиз. Яхши тайёргарлик кўрдик, яхши йиғинлар ўтадик.

- Фаррух Сайфиевнинг голидан кейин ҳимояда қандайдир палапартишлик бўлгандек туйилди. Жамоа бунга руҳан тайёрмиди?

- Тайёр эдик. Шунчаки, прессингда кўпроқ ўйнаганимиз учун бироз чарчоқ бўлди. Улар ҳужумга катта куч билан ўтишди. Сабаб шунда.

- Қозоғистон ва Ўзбекистон чемпионатлари фарқи?

- Ўзбекистонда кўпроқ техникага асосланган футбол ўйналади. Қозоғистонда эса кўпроқ кучга эътибор қаратилади. У ерда кўпроқ легионерлар роль ўйнайди.

- "Ордабаси"дан қайтганингиздан сўнг Суперлиганинг бир неча клубларидан яхши таклифлар бўлди. Нега айнан "Олимпик"ни танладингиз? Мақсад Олимпиада эдими?

- Ҳа, айнан Олимпиада сабаб "Олимпик"ни танладим.

Ҳавола :

Манба : championat.asia

Янгиликларни Телеграмда ўқинг!

Рейтинг: +2