ОЧЛ-2021. Масанобу Матсунами: "Ҳозир фақат гуруҳ босқичи ҳақида ўйламоқдамиз"

Эртанги учрашувдан олдин бугун ташкил этилган матбуот анжуманида "Гамба Осака" жамоаси бош мураббийи Манасобу Матсунами ва жамоа сардори Гента Миура фикрлари билан ўртоқлашди. 

"ОЧЛда Япония номидан иштирок этмоқдамиз. Нафақат гуруҳ босқичида, балки кейинги босқичда ҳам яхши ўйин кўрсатиб совринга эга чиқишни истаймиз. Мусобақада кучсиз жамоа йўқ. Мухлисларда ўз ўйинимиз орқали илиқ таассурот қолдирмоқчимиз. Биз фақат ғалаба ҳақида ўйламоқдамиз. Тўғри футболчиларни ўзгартиришда, тактикада ўзгаришлар қилишимиз мумкин. 

Ўзига яраша мақсадларимиз бор. Ҳозирда фақат гуруҳ босқичи ҳақида ўйламоқдамиз. Ижобий натижа қайд этиш учун бор нарсани ишга соламиз. Фурсатдан фойдаланиб ташкилий қўмита аъзоларига, ОФК ва ЎФАга миннатдорчилик билдираман",- дейди Манасобу Матсунами.

"Мураббийимиз айтганидек фақат ғалаба учун тўп тепамиз. Тайёргарлигимиз маромида кетмоқда. Мухлисларни хурсанд қилмоқчимиз",- дейди Гента Миура.