ОЧЛ-2018: “Ал Дуҳаил” – “Локомотив” учрашуви олдидан расмийлар йиғилиши бўлиб ўтди
05 мар 2018 14:39
Янгиликлар
ОЧЛ-2018: “Ал Дуҳаил” – “Локомотив” учрашуви олдидан расмийлар йиғилиши бўлиб ўтди
Бугун мазкур учрашув олдидан ҳар икки жамоа расмийлари ҳамда ўйин ташкилотчилари ўртасида йиғилиш бўлиб ўтди. Унда жамоаларнинг ўйинолди расмий машғулоти, матбуот анжумани ҳамда эртанги беллашувни жамоалар қандай либосларда ўтказиши каби масалалар муҳокама қилинди. Унга кўра, “Локомотив” “Ал Дуҳаил” билан ўйинни оқ-яшил-оқ рангли либосда ўтказади. Жамоамиз дарвозабони бинафша ранг футболка, қора шортик ҳамда қора гетриларда майдонга чиқадиган бўлди. Мезбонлар эса анъанавий тўлиқ қизил рангдаги формада ўйнашади. “Дуҳаил” посбони тўлиқ сариқ рангдаги либосни кийиши ойдинлашди.
Қайд этиш жоизки, бугун шунингдек маҳаллий вақт билан соат 17:30да (Тошкент вақти билан 19:30да) ҳар икки жамоа устозлари ва бир нафардан футболчи иштирокида ўйинолди матбуот анжумани ташкил этилади. Унда Андрей Микляевга жамоамиз сардори Садриддин Абдуллаев ҳамроҳлик қилади. Сўнг соат 18:00да “Локомотив” “Абдуллоҳ бин Ҳалифа” стадионида расмий машғулот ўтказади. Унинг дастлабки 15 дақиқаси ОАВ вакиллари учун очиқ тарзда кечади.


Ўхшаш янгиликлар
championat.asia
10 ўйинда 12 гол: Роналду яққол тўпурар
Футбол юлдузлари Рождество байрамини қандай нишонламоқда?
Нималар қиляпсан, "Астон Вилла"?! Эмери жамоаси "Челси" майдонида ҳам ғалабага эришди
"Аркадаг" кетма-кет учинчи марта Туркманистон Кубогини қўлга киритди
Фикрлар