ОЧЛ-2016. "Локомотив"нинг рақиби "Ингольштадт" ва "Наполи" билан ўйнайди

Narzulla Saydullayev
16 июн 2016
Осиё чемпионлар лигаси чорак финалида Ўзбекистоннинг "Локомотив" клуби БААнинг "Ал Айн" клуби билан ўйнайди.

Златко Далич бошчилигидаги "Ал Айн" 23 июлдан - 14 августга қадар Австрияда йиғин ўтказади.

Ушбу йиғин доирасида БАА клуби тўртта ўртоқлик учрашуви ўтказишни режалаштирган.

Рақиблар орасида Италия А серияси вакили "Наполи", Германия бундеслигаси иштирокчиси "Ингольштадт", Қатарнинг "Ал Садд" ва Саудия Арабистонининг "Ал Наср" клублари бор.

Эслатиб ўтамиз, "Ал Айн" - "Локомотив" ўртасидаги дастлабки учрашув 23 август куни БААда бўлиб ўтади. 13 сентябрь куни Тошкентда жавоб баҳси ўтказилади.


Narzulla SaydullayevМуаллиф
Манба: championat.asia