“Норин”да битта дарвозабон қолди...ми?

Мураббийлар бундан бироз аввал Муҳриддин Аҳмедов билан бизга номаълум сабабларга кўра шартномани бекор қилиб, хайрлашишга қарор қилганди.

Шундан сўнг, “Норин”да биргина Баракатилло Исроилов қолган. Эътиборлиси шундан кейин ҳаққулободликлар ўйинларни захира дарвозабонисиз ўтказиб келаётганини кўрмоқдамиз. Ҳар ҳолда учрашув қайдномасига захира посбони ёзилмаяпти.

Бундан чиқдики, “Норин”да Баракатиллодан бошқа дарвозабон қолмаган. Агарда бирорта ўйинда вазият салбий кўриниш олиб, Исроилов жароҳатга йўлиқиб ёки дисквалификация туфайли учрашувларда иштирок эта олмаса, “Норин” мураббийлари мажбурий равишда бошқа позицияда ҳаракат қиладиган ўйинчини дарвозабон сифатида майдонга туширишга мажбур бўлишади.