Нодир Элибоев: "Ўз олдимизга қўйган барча мақсадларни бажардик. Ўзбекистон терма жамоасининг гуруҳдаги рақиблари ўта кучли эмас"

- Бугунги финал ҳақида фикрларингиз?

- Бугунги финал ҳар кунгидан ҳам қийинроқ бўлди. Финалга қадар барча кучли жамоаларга билан тўқнаш келдик. Пенальтилар сериясига тайёргарлик кўрган эдик. Рақибларимиз ОКМК ва "Оил-Стар"га раҳмат айтаман. Ташкилотчи ПФЛга ҳам катта раҳмат. Чемпионатдаги рақобат ҳар йили кучайиб бормоқда.

- БМБ жамоаси жорий мавсум "олтин дубль" қайд этди. Жамоангизнинг жорий мавсумдаги иштироки ҳақида гапириб ўтсангиз?

- Жамоа ўз олдига қўйган мақсадларга эришди. Демак, биз тўғри йўлдамиз. Раҳбарият олдимизга янада катта мақсадларни қўймоқда. Биз эса меҳнат қилишда давом этишимиз керак.

- Ўзбекистон футзал терма жамоаси Мундиалдаги дастлабки рақибларини билиб олди. Миллий терма жамоада кўп йиллар тўп тепган футболчи сифатида терма жамоамизнинг Жаҳон чемпионатидаги имкониятларини қандай баҳолайсиз?

- Имкониятларимиз яхши. Гуруҳдаги рақибларимиз жуда кучли эмас. Гуруҳда биринчи ўринни қўлга киритишимиз керак.