Франция терма жамоаси ярим ҳимоячиси Нголо Канте Бельгиянинг 3-дивизиони вакили "Эксельсиор Виртон"ни сотиб олди. У биринчи июлдан ўз лавозимига киришади.
Янги мавсумда клуб Бельгия чемпионатининг учинчи дивизионида иштирок этади, жамоа 2022/23 йилги мавсум якунида иккинчи лигадан тушиб кетди.
Эслатиб ўтамиз, июнь ойида Канте "Челси" билан шартномаси якунланганидан кейин Саудия Арабистонининг "Ал Иттиҳод" клубига ўтганди.
