Неймар Формула-1 юлдузи ва "Victoria's Secret" модели билан ажойиб оқшомда иштирок этди + ФОТО
19 сен 2017 20:58
Янгиликлар

Неймар Формула-1 юлдузи ва "Victoria's Secret" модели билан ажойиб оқшомда иштирок этди + ФОТО

Охирги 2 кун давомида ПСЖ ҳужумчиси Неймарнинг Франция чемпионати доирасида "Лион"га қарши ўйинда Кавани билан пенальтини тепиш учун тортишгани кўп муҳокама қилинди.

ОАВда ўша ҳолат кўплаб мунозараларга сабаб бўлган бир пайтда бразилиялик футболчи Лондонга келди. Неймар Лондонда Формула-1 юлдузи Льюис Хэмилтон, поп-юлдуз Рита Ора ва "Victoria's Secret" модели Барбара Палвинлар билан бирга ажойиб оқшомда иштирок этди. Неймар душанба куни тунда "Miu Miu LOVE" оқшомидан завқ олди.

Британиянинг "Mirror" нашри чоп этган суратларда Неймар ва Хэмилтон поп-юздуз Рита Ора ва "Victoria's Secret" модели Барбара Палвинлар билан бирга оқшомдан завқ олаётгани акс этган.