UZ

Сўнгги янгиликлар

15:48Спортчилар ижтимоий тармоқларда  0 15:41Рифат Акрамхўжаев: "Владимир Бубаня янги мавсумни "Сурхон"да бошлаш эҳтимоли яқин"  0 15:37Папастатопулос: "Мен Грецияга фаолиятимни якунлаш учун келмадим"  0 15:15Ла Лиганинг 2004/2005 йилги мавсумида ким тўпурар бўлган?  2 15:10Эшитдик-да! Шоҳруҳ Гадоев фаолиятини Ўзбекистон чемпионатида давом эттиради  10 15:00Olamsport: Конорнинг қанча муддатга четлатилгани маълум қилинди, Истомин ғалаба билан бошлади ва бошқа хабарлар  0 15:00Карикатура: Абрамович барча таниқли мураббийларни ишдан бўшатган  4 14:42Жасур Ҳасанов "Динамо" билан шартнома имзолади  4 14:27"Барса" – ўтган мавсумда энг кўп даромад қилган клуб. Кучли ўнликда "Реал", "Челси", Тоттенхэм" сингари жамоалар бор  10 14:08"Сурхон" назорат ўйинида "Андижон"дан устун келди  2 13:50Кассано: "Фиорентина" фантастик ўйинчи билан шартнома имзолади"  6 13:35"Фарғона вилояти ҳокими кубоги-2021". Иккита ўйинда жами 13та гол урилди  1 12:40"Ювентус" Маккеннини ўз таркибида сақлаб қолмоқчи  3 12:18"Милан" "Порту" хавбеки Отавио билан ёзда текинга шартнома имзоламоқчи  1 11:55Жеко "Вест Хэм"ни рад этди. Форвард "Рома"дан қишда кетмоқчи  2

"Нефтчи"нинг жонкуяр мухлиси: Кимга тўй, кимга аза... Янгиликлар

"Нефтчи"нинг жонкуяр мухлиси: Кимга тўй, кимга аза...

"Турон" жамоаси Суперлигага чиққани билан жамоа футболчиларини, раҳбарларини ва мухлисларини табриклаймиз. Суперлигада супер натижаларга эришишига тилакдошмиз.

Кеча ўйиндан кейинги воқеалар ҳамма қатори биз азалий “Нефтчи” мухлисларини ҳам ранжитди, йил ўйини йил фожиасига айланиб кетишига бир баҳя қолди. Албатта, бунда ўзини бошқара олмаган футболчилар-у, ҳиссиётларини жиловлай олмаган бир гуруҳ мухлисларнинг айби катта. Бу борада ҳеч қандай эътирозимиз йўқ.  Кечадан буён “Нефтчи” шаънига, мухлислари номига сериалли айбловлар юбораётган ҳурматли футбол билимдонлари, илтимос озгина дўппини олиб қўйиб бирга мулоҳаза қилсак, майлими.

Ўйинни шундай тарзда якун топишига аввало “Нефтчи”нинг ўзи айбдор. Ҳамма ишни охирги турга қолдирмаслик керак эди. “Динамо”ни ютганда ҳаммаси ҳал бўларди, лекин юта олмади, тўғрироғи ютишни хоҳламади.

Кечаги ҳакамлик ҳақида икки оғиз гапириб ўтсам, ростдан ҳам Насибуллаев ёмон ҳакамлик қилмади, лекин унинг кичик ҳатолари ўйин тақдирига таъсир ўтказди. Бу билан ҳаммасига ҳакам айбдор демоқчи эмасман, агар жамоа кучли ўйнаса ҳеч қандай таъсир ўтмайди. Ҳакам ўша хатоларга йўл қўймаганида ҳам “Нефтчи” ютқазиши мумкин эди. Лекин озгина мулоҳаза қилсак, ҳакам меҳмонларга қизил карточка бермади, тўғри ўйинни бузиб қўйиши мумкин эди. Унда нимага Яйпандаги баҳсда шунга ўхшаш ҳолатда Саидовга берилган? 

Ўйинни бузиб қўйишни ҳоҳламаган ҳакам дастлабки дақиқаларда 50/50 вазиятда пенальти бериши адолатданми. "Турон" киритган гол тоза бўлди, ҳалоли бўлсин. Лекин ўша пайт аут тўпи майдон маркази яқинидан ташланиши керак бўлган ҳолда, камида ўн метр олдинга юрилгани, жарима майдони ёнидан ташланган тўп голга олиб келганини ҳеч ким гапирмаяпти. Охирги дақиқаларда пенальти бор эди, илтимос баҳснинг кераги йўқ. 

Бу гапларни кўпчилигимиздан ёши улуғ ва тажрибали мутахассис фикрини билганимдан кейин айтяпман. Майли, 50/50 дейлик пенальтини, лекин ҳакам холис бўлса унда инсонлик фактори бўлади. Инсонийлик фактори бундай ҳолларда майдон эгасига озгина симпатия кўрсатилиши дунё футболида ҳам учаб туради. Балки ноҳақдирмиз, бу борада бошқа тўхталмаймиз.

“Нефтчи” ўйинчилари ва мухлислари шунчалик маданиятсиз экан, унда “Динамо”га ютқазганда нимага уришмади ҳакамни, ўша ўйин ҳам ҳал қиларди-ку. Яна умид бор эди дейсизлар-да, йўқ, жуда кўп мухлислар ўша ўйиндан кейин умидини узишган, ҳаммаси сценарий асосида кетаётганини тушинишган. 

Қанақа сценарийми, жуда пухта ишлаб чиқилган сценарий. “Нефтчи” “Шўртан” ва “Динамо” билан бўлган ўйинда икки марта ютиб, икки марта ютқазди. “Турон” билан икки дуранг бир ғалаба, охирги турда ютқазиши аниқ эди. Буни айнан шу гуруҳдаги кўпчилигингиз ҳам айтгандиз, тоза ютганига шубҳам бор деб. Ҳа, “Нефтчи” “Динамо” билан бўлган ўйинда Суперлига йўлланмасини қўлдан чиқарганди.

Про лига ёняпти деган Диёр Имомхўжаев лигани тутатиб-тутатиб портлатишга олиб келди. Регламентдаги аҳмоқона тажриба келишилган ўйинларга замин яратмадими? Агар регламент икки даврали уй-сафар тизимида ўтказилиб тугатилганда шунчалик мажоролар бўлмас эди. 

Қуйи тўртликни қаранг, “Истиқлол” ва “Оқтепа” иккинчи босқичда қолганларга ем бўлишди, чунки нимага интилишсин,бешинчи ўриндан тепага чиқолмаса. Шуми ПФЛни адолати, шуми қайноқ интрига?

Мухлислар ҳам нотўғри қилишди, буни тан оламиз. Лекин сизлар тош отаётган ўша мухлислар ичида қанчаси ўйингоҳдан йиғлаб чиқиб кетди, сизлар биргина болакайнинг кўз ёшини кўрдингиз. Бу мухлисларда айб нима? “Нефтчи” мухлислари ҳақида гапиришда сал эҳтиёт бўлинглар, илтимос. Бундай маданиятсизлик фақат Фарғонада бўлди деб ўйлайсизларми? Яйпанда мухлисларга бўлган босим, ҳақоратларни ҳеч ким гапирмайдими? 

Биз “Турон” раҳбарларига берган ваъдамизнинг устидан чиқдик, меҳмонларни ҳеч бир муаммосиз ва эътирозсиз жўнатдик. Бунинг учун телеграм каналларда маданиятли бўлайлик, жамоамизга муносиб бўлайлик деб қанча тушунтириш олиб бордик, яна биз айбдормизми.

Яна “Нефтчи”ни бутунлай ҳайдаш ҳақида турли гаплар айтиляпти. Бундай ҳолат ўзбек футболида биринчи бўлишими? Қутибоев ва Фёдоров хакамни дўппослагани учун уч йилга футболдан четлатиб, жарима солинган холос. Ўзбек футболида айбдорлар аёвсиз жазоланиши керакми? Андижонлик мухлислар темир панжарани бузиб майдонга тушиб кетган, меҳмонга борганимизда тошбўрон қилишиб, биронта Фарғона рақамли машинанинг синмаган жойи қолмаган. Наманганда Эрматов тошбўрон қилинган ўйинда нечта фарғоналикнинг боши ёрилган, нечтасининг кўзи чиққан. Ўшанда жамоага жазо қўлланилганмиди? 

Ҳиссиётни жиловлай олмаган мухлислар майдонга тушиб кетгани учун шундай жазоланадими. Ҳа, Тўрақулов хакамни уриб нотўғри қилди, лекин намунча мусулмончиликдан маъруза ўқийсизлар. Жиноят қилдими, жазосини орган ходимлари беради, гуноҳи бўлса Оллоҳ жазолайди. 

Насибуллаев бировнинг боласи деяпсиз, Жамшид-чи? Қарғаманг, керак эмас, унинг ўрнида сиз ва бизнинг яқинимиз бўлиб қолиши ҳам мумкин эди. Мусулмончилик ҳақида кўп эслаяпсизлар, раҳмат. Лекин баъзи жамоалар мутасаддилари телеграм каналда “Нефтчи” мухлисларига айтилган гапларни кўчадаги шалтоқлар ҳам ишлатмайди, ана ўшаларга ҳам насиҳат қилинглар.

Водий дербиларида мутасаддилар ўзини тутиши кераклигини ёзиб, кимларнидир сўзларидан келтирган эдим. Аслида ўша сўзларнинг жуда кўпини ўзимдан қўшган, икки жамоа мухлислари ўртасидаги низони бартараф қилиш учун шундай йўл тутган эдим. Қарангки, айнан ўша гапларга урғу бердинглар, гапирганни даҳога чиқариб, шуми хақиқат? 

“Нефтчи” манзилига, мухлислари номига кечадан бери тўхтамай тош отаяпсиз. Бизнинг футбол тозами, унда жазоланган учта ҳакам ҳақида гапиринг, ман атайин топанғич раҳбар ҳақида хаёлий ҳикоя ташлагандим, фикрларингни билмоқчи бўлиб, гап нима ҳақидалигини билиб туриб ҳам бирорта фикр айта олмадиларинг-ку барака топкурлар. Бу ҳакамлар ортида қанча келишилган ўйинлар, коррупция турганини нимага ёзмаяпсизлар? 

Ёки ҳамма нарсага етган ақлингиз шу ерга келганда оқсадими. Гапни ҳам роса чўздим, нима қилай ичим тўлиб кетган. ПФЛ Про лигани ҳалол ўтказди деб ўйлайсизлар, шундайми. Яқиндагина шахсан ўзим ва кўплаб “Нефтчи” мухлислари ҳурмат қиладиган яҳши инсон нотўғри йўналишдаги поезд йўловчиси бўлиб қолганини гапирган эди. Бу нимани англатишини ҳаммамиз жуда яхши тушунамиз, чунки айнан Яйпандаги ўйиндан кейин айтилган бу фикрлар. Демак ПФЛ ва ўзбек футболи нотўғри йўналишда кетаётгани бор гап экан-да. Ёки кечаги ўйиндан кейин поезд ўз йўналишини топиб олдимикан.

Ҳа, “Нефтчи”ни роса хўрлашди, илтимос унга тош отишни бас қилинг. Энди елкамизга офтоб текканда бурнимиз қонади, энди тепкилаб ўтманг. Биз “Нефтчи”ни борича яхши кўрамиз. Юзта мухлис қолса шунинг ичида бўламиз, биттагина қолса ўша ҳам биз бўламиз. Кимнидир дилини ранжитган бўлсам  кечирасизлар. Буларнинг бари тўпори мухлиснинг дил кечинмалари холос.


Сайдуллоҳ ибн Абдуллоҳ

Рейтинг: -42   

Фикрлар

+26   
02 дек 13:46:21
Soccer
НЕФТЧИНИ ЖОЙИ БИРИНЧИ ЛИГАДА
+16   
02 дек 14:15:08
hursandbek
муалиифгва саваол: 1) барча масалани шу охирги турга колдиришга ким айбдор, нега барчасини эртароы хал қилмади. 2) футболчилар ўйин давомида хато қилмадими. тўп ўтказилганда химоячи, бир нечта вазиятларда хужумчилар. нега унда уларни хам уришмади.
+15   
02 дек 14:06:35
Nasaf N÷1
Hakamlar judayam kòplab oyinlarda muxlislarni joniga tegadigan qarorlar chiqaradi òsha aqlli fikr bildirayotganlar biror marta stadionga borib biror jamoaga chin dildan muxlislik qilib kòrmagan insonlar. Bizdayam bunday xolat kòp bòlgan Qarshida faqatgina nazorat organlari osha hakamlarni 98 raqamdagi futbolchiga òxshab tepgani qòyishmaydi
+9   
02 дек 13:53:06
Ilkhomjon
Ey nima divosan? Musulmonmizmi demak har ishni dinimizga bog`lab fikr yuritamiz. Do`pimizni yechishga chaqirmasdan do`pi kiygin sanam. Aqilli suka
+7   
02 дек 14:14:00
царь справедливости
Инсонийлик фактори бундай ҳолларда майдон эгасига озгина симпатия кўрсатилиши дунё футболида ҳам учаб туради. Полный абсурд
+7   
02 дек 13:55:17
Нефтчи Реал мухлиси
Нима учун Нефтчи хамда мухлисларни ёмонлашаётганига тушунмаяпман. Бутун стадион тушганида бошқа гап эди. Ўйиндан кейинги воқеалар бошқа масалаку. улар жазо олар. Лекин бутун бошли жамоани гапириш нотўғри. Футбол тарихида бундан баттарлариям бўлганку. Нима бўлсаям Нефтчига мухлисман. Махалламга Манчестир кўчиб келсаям Нефтчи ўйинига боравераман.
+6   
02 дек 14:06:54
Arslon.
Маданиятсизли хакида гапириляптими 2 йил олдин кубок финалида бунёдкорда бутун стадион майдонга югуриб тушганлар маданиятлимиди уятиб кетганди пасларни деб одам ушанда офк президенти келганди кургани кечаги уйин хакида эса хакам хакида хатто Хайрулла Хамидов хам айтди жонлида уйин тугамай туриб зудликда хакамни олиб чикиб кетиш кере деб холис одамни кузига куринган нарса колганлар эса уйида свети гази йук аламзадалар бор аламларини нефтчидан олишяпти
+6   
02 дек 13:51:12
Davlat FERGANA
Yomon kunlar ortida yaxshi kunlar xam bor
+5   
02 дек 15:29:34
Козимбек.
Биласизларми ман нимадан қаттиқ ранжидим, Нефтчи ютқазганигами, йўқ. Турон чемпион бўлганигами, йўқ, халоли бўлсин. Ман ранжиганим ижтимоий тармоқларда ҳам пули борга пахта қўйи билан машғул ҳамма. Яйпандаги ҳолатни ёзганимизда раҳбарлари илтимос қилиб ўчиртиришди, ПФЛ Нефтчигаям чора кўради деб. Аслида у ерда рақиб мухлисларию ўйинчиларини группавой ҳақоратлаш, дўқ пуписалар бўлган. Биз ишанувчанмиз, мухлисларни тинчлантирдик, низони бартараф этиш учун ўн беш кун ёзиб тинмадик, маълум маънода бунг эришдик ҳам. Лекин сарбрни ҳам чегараси бор. Бир укамиз айтганидек Жамшидни зарбаси бутун ўзбек ҳалқини ПФЛ га ўзбек футболига бўлган зарбаси эди. Бу фикрларни бирор жамоага астойдил мухлис бюўлган инсонгина тушинади.
+5   
02 дек 15:09:09
Neftchi Fergana uzb
Нефтчи барибир Нефтчи!!! Осиё давлатларига Узбекистонни танитнан Нефтчи!! Шунчаки унитиб кетиладиган жамоа эмас, каерда уйнасаям уша Нефтчилигича колади! Супергаям чикади Очл да хам уйнайди!!
+4   
02 дек 15:38:48
Mansur Saydaliyev
Нефтчи жойи каерда эканлигини курсатиб койди
+4   
02 дек 15:08:56
☆Sadriddin☆
Шавкат Насибуллаевни бу биринчи хатоси емас екан супер лигани 14-турида агмк ва металлург ўйинидан кейин про лигага бадарға қилинган екан мана енди жабрини про лига клублари кўряпти.
+4   
02 дек 15:07:48
Нефтчи 2020 супер 98
Ассалому алейкум ака жуда тўғри фикр билдирди Нефтчи жамоаси бу даражада уруш қилишига нима сабаблиги ўрганилсин мағлубиятга урушишмади йигитлар хакамни нохақлигига жанжал чиқди майдонда хакам ўзини йўқотиб қўйди кантроль қилолмади кўп жудаям кўп хатолик бўлди агар футболимизда шу бошқариш тоза диб хисобланса билмадим хурматли Диёр Имомхўжаев хакамлар қилган масқарабозликни кўриб чиқиб нефтчига хулоса чиқарилар инсоф ўзларинга берсин шударажада бўлишига хакамлар 1000% айбдор яна ўзларин биласилар
+4   
02 дек 14:08:38
No war
3 та 4 та тирраки диб бутун бошли шонли тарихга эга Нефтчи клубини бунчалик пастга уришам ничестно,оддий мисол узим билганим-шахардаги котта мачитни бош имомини угли утакеткан алкаш,одамлага зиени куп тегади шунга карамастан имомни хамма хурмат килади,Нефтчиниям Узбек футболи ривожланишига котта хисса кушган,Нефтчига енгил жазо бберилишига умид киламан
+4   
02 дек 14:08:09
Arslon.
Nasaf N÷1 фойдаланувчининг фикрига жавоб бериш
Hakamlar judayam kòplab oyinlarda muxlislarni joniga tegadigan qarorlar chiqaradi òsha aqlli fikr bildirayotganlar biror marta stadionga borib biror jamoaga chin dildan muxlislik qilib kòrmagan insonlar. Bizdayam bunday xolat kòp bòlgan Qarshida faqatgina nazorat organlari osha hakamlarni 98 raqamdagi futbolchiga òxshab tepgani qòyishmaydi
Эркакни гапини айтибсиз
championat.asia
< сўнгги янгиликларни кўриш
Яндекс.Метрика