“Нефтчи”: “Сўғдиёна”га қарши ўйинга тайёргарлик бошланди

“Андижон”га қарши ўйиндан сўнг футболчиларга бир кунлик дам берилган эди. Бугун ўйинчилар “Нефтчи” қароргоҳида яна жам бўлишди ва машғулотга киришишди. Тажрибали ярим ҳимоячи Бахтиёр Ёқубов ҳам жароҳатидан тўлиқ фориғ бўлган ҳолда машғулотларда иштирок этмоқда. Иқтидорли футболчи Дамир Низанов куни кеча  операция қилинди. Яна бир футболчи Абдураҳмон Абдулқаҳов ҳам жароҳат олган. Ҳозирча улар маълум мудат майдонга туша олишмайди. Бошқа барча футболчилар машғулотларда тўлиқ қатнашишяпти.  

Эслатиб ўтамиз, “Нефтчи” ҳамда “Сўғдиёна” жамоалари ўртасидаги ўйин 16 апрель куни Фарғона шаҳридаги “Истиқлол” стадионида бўлиб ўтади. Маълумот ўрнида, мазкур жамоаларнинг ўринбосарлари таркиби 15 апрель куни Қиргулидаги “Нефтчи” СК стадионида ўзаро беллашадилар.

“Нефтчи” ПФК матбуот хизмати