"Навбаҳор" трансфер қил(аёт)ган легионер...

Фахриддин Рўзиев телеграмдаги каналида қирғиз форварди ҳақида сизни қизиқтириши мумкин бўлган баъзи маълумотларни келтирди.

1990 йилда туғилган футболчи фаолиятини "Дордой"да бошлаган. Унинг терма жамоадаги дебюти 18 ёшида Непалга қарши баҳсда содир бўлган.

Мурзаев 2010 йилнинг январида Москванинг "Локомотив" клубига трансфер бўлади. У "темирйўлчилар"нинг асосий таркибига киролмай, ўринбосарлар жамоаси сафида ярим йил қолган.

Ўзини легионер сифатида Туркия, Исроиль, Кипр ва Ҳиндистонда ҳам синаб кўрган. Ҳозирги (ёки охирги) жамоаси "Алга".

Ҳужум чизиғининг исталган нуқтасида ўйнай оладиган футболчи қирғиз чемпионатининг энг қимматбаҳо футболчиларидан бири ҳисобланади (250 минг евро).

Баъзи манбаларга кўра, у Қирғиз Республикаси терма жамоаси тарихидаги энг яхши тўпурар ҳисобланади (15).

У "Навбаҳор"нинг асосий посбони Ўткирбек Юсупов дарвозасига бир марта гол урган. Бу воқеа март ойида ўтказилган "Navruz cup-2022"да содир бўлган эди.

Шунингдек, Мурзаев ижтимоий тармоқларда анча машҳур. Унинг инстаграмда 100 мингга яқин кузатувчиси бор. Бу борада "Навбаҳор"нинг ҳеч қайси футболчиси Мирланга тенглаша олмайди...

Oбуна бўлинг → ФА| футбол АНАЛИЗИ