Қизиқарли суҳбат ва савол-жавоб тарзида кечган учрашувда “Насаф” жамоаси футболчилари – Дониёр Нарзуллаев, Бобир Абдухолиқов, Акмал Мозговой ва Ойбек Бозоров, шунингдек, клуб матбуот хизмати ва маркетинг бўлимлари, мухлислар билан ишлаш бўлими вакиллари иштирок этишди. Футболчилар талабларни қизиқтирган саволларга бафуржа жавоб қайтаришди.
Шунингдек, клуб маркетинг бўлими вакиллари “Насаф” томонидан мухлислар учун яратилаётган қулайликлар, талабалар учун чиқарилган арзон абонементлар ҳамда клуб аттрибутикаларини паст нархларда сотиб олиш мумкин экани ҳақида сўзлаб беришди.
Бундай учрашувлар юртимизнинг барча ҳудудларида йил давомида ташкил этиб борилади.
