Муҳаммадюсуф Собиров: "Франция билан ўйин сўнгги дақиқаларида имкониятни қўлдан бой берганимиз аламли бўлди"
28 ноя 2023 14:55
Янгиликлар

Муҳаммадюсуф Собиров: "Франция билан ўйин сўнгги дақиқаларида имкониятни қўлдан бой берганимиз аламли бўлди"

Ўзбекистон U-17 терма жамоаси кеча Жаҳон чемпионатидаги иштирокини якунлаб, юртимизга қайтиб келди.

Сайтимиз мухбири Абдулазиз Искандаров мазкур жараёнда дарвозабон Муҳаммадюсуф Собировнинг фикрларини тинглади.

"Бизни кутиб олган барча ходимларга катта раҳмат. Жаҳон чемпионатидаги ўйинлар осондек ўтган бўлиши мумкин, лекин ютган ўйинларимизда ҳам катта куч сарфладик. Бундан ҳам яхши натижа кўрсатишни мақсад қилган эдик, омадимиз келмади. Кейинги Жаҳон чемпионатларда бу натижани яхшилашга ҳаракат қиламиз.
Франция билан ўйиндан сўнг имкониятни қўлдан бой берганимиз аламли бўлди. Бундай пайтда табиийки кўзга ёш келади. Жаҳон чемпионатидаги ҳар бир учрашувда ватанимиз шаъни ва ғурури учун майдонга чиқдик. Ортимизда турган одамлар кўз олдимизга келди, чунки сўнгги дақиқалардагина гол ўтказиб мағлуб бўлдик", – дейди Муҳаммадюсуф Собиров.

Ҳавола :

Манба : Championat.asia

Янгиликларни Телеграмда ўқинг!

Рейтинг: +5