Эртага "Реал Мадрид" ва "Бенфика" Чемпионлар лигаси гуруҳ босқичининг якуний турида тўқнашадилар.
"Оқ кийимлилар"нинг собиқ мураббийи Жозе Альваро ҳақида шундай деди:
"Дунёнинг энг яхши клубларини тарихга эга бўлмаган мураббийлар бошқараётгани ҳайратланарли. "Милан"даги Аллегри, "Рома"даги Гасперини ёки "Ювентус"даги Спаллетти ажаблантирмайди"
Арбелоа бунга жавобан:
"Бундай мураббий гапирса, мен тинглайман ва таҳлил қиламан. Моуриньюнинг мен учун қанчалик муҳимлигини ҳаммангиз биласиз"
Бугун португалияликдан испаниялик ҳақидаги сўзлари тўғрисида сўрашди.
"Улар ҳаммаси менинг фарзандларим - собиқ ўйинчиларим. Арбелоа ҳам инсоний, ҳам шахсий жиҳатдан энг севимлиларимдан бири.
Альваро "Реал"да ўйнаган энг ажойиб инсонлардан бири эди. У босимга энг кам бериладиган ўйинчи эди, унга бу бегона.
Умид қиламанки, у муваффақиятга эришади ва ажойиб фаолият олиб боради. Арбелоа дунёнинг исталган жамоасига мураббийлик қила олади ва мен унга омад тилайман, фақат эртанги кундан ташқари (кулади), ундан кейин у доим ғалаба қозониши мумкин.
Мураббий бўлиш жуда қийин, асосан шунинг учун ҳам доим ўзидан кўпроқ биладиган биров топилади. Фаолиятини энди бошлаётган Альваро бу ишни чин дилдан севиши керак," деди Моуринью.
