Мостовой "Спартак" билан ўйинда Аббос Файзуллаевда бўлган имконият ҳақида гапирди

"Дастлабки дақиқаларданоқ "Спартак" яхшироқ эканлиги кўриниб турди. ЦСКА рақиб дарвозаси олдига 20-дақиқадан кейин борди. Ўшанда Файзуллаев гол уриши мумкин эди, аммо унга хотиржамлик етишмади. У шошди ва ноаниқ зарба берди. Ўша эпизодгача "Спартак" тўпни ушлаб ўйин боришини назорат қилаётган эди. ЦСКАга нима бўлганини эса билмайман. 1-бўлим охирида эса Бонгонда ўз сўзини айтди. Абаскаль ("Спартак" собиқ устози Гильермо Абаскаль) ўз вақтида уни захирага ўтқазиб қўйганди. Энди эса Бонгонда иккинчи ўйинда ҳал қилувчи голни урмоқда", - деди Мостовой.

Эслатиб ўтамиз, Россия чемпионати 14-тури доирасида ЦСКА ўз майдонида "Спартак"ка мағлуб бўлди. Ҳамюртимиз Аббосбек Файзуллаев учрашувни асосий таркибда бошлаб, 64-дақиқада захирага олинган эди. Ушбу ўйиндаги ғалабадан кейин "Спартак" очколари сонини 25 тага етказиб олди ва жадвалда айнан ЦСКАни қувиб ўтган ҳолда 5-ўринга чиқиб олди. Файзуллаев жамоаси эса 24 очко билан 6-поғонага тушди.