Моратти: "Моуриньо "Реал"га кетганидан афсусланган"

"2010 йил Чемпионлар лигаси финалида ғалаба бизнинг саёхатимиз якуни бўлди. Биз хатто ўша ғалабани нишонлай олмадик, чунки Моуриньо тезда клубни тарк этди. Бир йил олдин у "Реал"дан қизиқиш борлигини айтган эди, 2010 йилда эса бу такрорланди. Одамларни асир сифатида олиб ўтириш нотўғри, аммо ўша финалдан сўнг "Реал" президенти Флорентино Перес "Сантьяго Бернабеу" стадиони олдида ўз машинасида Моуриньони кутиб ўтиришини менга ёқмади.

Моуриньонинг ўзи "Реал"да ишлашни бошлашидан олдин қароридан афсусланди. Ўшанда Жозе менга Мадридда уни оиласи эмас, бизнес кутаётганини айтган. Моуриньо имконият бўлганида "Интер"да қоларди. Унинг кетишидаги кўз ёшлари ҳақиқий эди" - дейди Моратти.