"Mixed zone". Умаржон Шарипов: "Ўзбекистондаги турнирда ташкилотчилик томондан муаммолар бўлмади"
10 июн 2022 15:03
Янгиликлар

"Mixed zone". Умаржон Шарипов: "Ўзбекистондаги турнирда ташкилотчилик томондан муаммолар бўлмади"

U-23 Осиё кубоги учинчи туридан ўрин олган Япония U-23 – Тожикистон U-23 (3:0) учрашувидан сўнг интервьюлар давом этади.

Тожикистон U-23 футболчиси Умаржон Шарипов кеча ўйиндан сўнг микст-зонада фикрлари билан ўртоқлашди.

"Стадиондаги кам сонли мухлисларимизга охиригача қўллаб-қувватлашгани учун раҳмат айтаман. Мусобақага тайёргарлигимиз ёмон бўлмаганди. Нима ҳам дердим, навбатдаги турнирларга янада яхшироқ ҳозирлик кўрамиз. Ўзбекистонда ўтаётган турнир ташкилотчилари яхши ишлашмоқда. Ҳамма томонлама қарашмоқда. Муаммо бўлмади.

Ҳа, "Турон"да ўйнагандим. Лекин жароҳатларим панд берганди. Худо хоҳласа яна Ўзбекистон чемпионатида ўйнаш ниятим йўқ эмас. Фурсатдан фойдаланиб клуб мухлисларига саломимни йўллаб қоламан",- дейди Умаржон Шарипов.

Ҳавола :

Манба : championat.asia

Янгиликларни Телеграмда ўқинг!

Рейтинг: +1