Вакилларимиз кеча Ироқни пенальтилар сериясида мағлубиятга учратишга муваффақ бўлди. Бу эса ўз-ўзидан ярим финал эшиклари очилганини англатади. Баҳсдан сўнг терма жамоамиз ҳимоячиси Муҳаммадқодир Ҳамралиевнинг фикрлари билан қизиқдик.
"Пенальтини эркин тепишни ўйлагандим. Насиб қилмаган экан. Лекин амалга ошира олмаган бўлсамда, хотиржам эдим. Қандайдир босим сезмадим. Бундан афсусланмайман. Йигитларга ўша лаҳзада қўллаб - қувватлашгани учун раҳмат айтаман. Қолаверса, мухлислар жуда яхши муҳит яратиб беришди. Ғалабада уларнинг ҳиссаси катта бўлди. Жароҳат олган икки кишига эса соғлик тилайман.
Бир киши кам бўлсакда, ўйинни тўлиқ назорат қилдик. Ироқ биздан қўрқиб ўйнади",-дейди Ҳамралиев.
