Миржалол Қосимов: "Кечирасиз, кейинги ўйинимиз чемпионат доирасида бўлиб ўтади, кубок эмас"
24 апр 00:59
Янгиликлар

Миржалол Қосимов: "Кечирасиз, кейинги ўйинимиз чемпионат доирасида бўлиб ўтади, кубок эмас"

Ўзбекистон кубоги 2-туридан ўрин олган ОКМК - "Насаф" учрашувидан сўнг олмалиқликлар бош мураббийи Миржалол Қосимов матбуот анжуманида иштирок этди.

"Ажойиб ўйин гуҳови бўлдик. Бу учрашувдан мухлислар ютди. “Насаф” таркиби кучли бўлган амалдаги чемпион жамоа. Янги мавсумда эса ўз сафига Черанни ҳам қўшиб олишди. Бугунги ўйин жуда муҳим эди. Жамоам ёмон ўйнагани йўқ, лекин рақибимиз сафидаги юқори савияли футболчилар биргина вазиятдан фойдаланиб кетди. Жуда ҳам чиройли баҳс бўлди. Ўтган мавсумда ўзимиз йўл қўйган хатолар туфайли гуруҳда қолиб кетгандик. 0:2 ҳисобидан сўнг якунда ғалаба қозона олдик. Биз мухлислар учун ўйнашда давом этишимиз керак, натижа қандай бўлишидан қатъий назар. Олдинда муҳим баҳслар бор, энди чемпионат ўйини ҳақида ўйлашимиз керак" - деди Миржалол Қўшоқович баҳс якунлангач.

- Кейинги баҳсда нафақат очколар балки голлар нисбати ҳам катта рол ўйнайди….

- Кечирасиз, кейинги ўйинимиз чемпионат доирасида бўлиб ўтади, кубок эмас. Мен ҳеч қачон ўйиндан ўйинга сакрамайман. Ўзингиз бундан яхшигина ҳабардорсиз. Бугунги баҳс тарихга айланди, энди кейин ўйин ҳақида ўйлашимиз керак.

Ҳавола :

Манба : championat.asia

Янгиликларни Телеграмда ўқинг!

Рейтинг: +4