“Минск” устози: “Яхшибоевнинг индивидуал маҳорати жамоасига устунлик тақдим этди”

“Иккала жамоа ҳам баҳсни эҳтиёткорлик билан бошлади. Ҳеч ким биринчи бўлиб тўп ўтказишни хоҳламасди. “Энергетик БГУ”нинг тезкор ҳужумларидан чўчиган эдик, боиси, уларнинг олдинги чизиғида бирга бир вазиятга чиқиб, алдай оладиган ижодкор футболчилар борлигини билардик. Қўрққан нарсамиз юз берди ва иккала голни қарши ҳужумларда ўтказиб юбордик. Иккинчи гол тушунарли, ҳеч нарсани ҳал қилмасди. Ҳисобни тенглаштиришга ҳаракат қилаётан вазиятмиз эди. Биринчи гол эса бирга бир чиқиб, алдаб ўтган Яхшибоевнинг индивидуал маҳорати туфайли юзага келди. Шунинг эвазига, “Энергетик-БГУ” устунликни қўлга олди”, дейди Разин.