Месси Верраттини "Барселона"да кўришни хоҳламаяпти
09 мар 2018 21:14
Янгиликлар

Месси Верраттини "Барселона"да кўришни хоҳламаяпти

ПСЖ ярим ҳимоячиси Марко Верратти ёзда "Барселона"га ўтиши мумкин.

Футболчи ўтган ёздаёқ каталонияликлар сафида пайдо бўлиши мумкин эди. Аммо, ўшанда италиялик охирги паллаларда Парижда қолишга қарор қилган эди.

Ҳозир у фикрини ўзгартирган ва "Барселона"га ўтишга қарши эмас. Бу ҳақда "Don Balon" хабар берди.

Ўз ўрнида, ушбу ўйинчини жамоада каталонияликлар етакчиси Лионель Месси кўришни хоҳламаяпти. Унинг фикрича, Верраттининг алоҳида кўрсаткичлари "Барселона" футболчилари даражасига мос эмас.

Эслатиб ўтамиз, Чемпионлар лигаси 1/8 финал жавоб учрашуви доирасида "Реал"га қарши баҳсда Верратти қизил карточка олиб майдонни эрта тарк этган эди.