Меҳди Ҳошимнажот: "Кўпчилик Миср финалга чиқади деб ўйлаганди"
17 ноя 15:40
Янгиликлар

Меҳди Ҳошимнажот: "Кўпчилик Миср финалга чиқади деб ўйлаганди"

Эрон терма жамоаси ярим ҳимоячиси Меҳди Ҳошимнажот Ўзбекистонга қарши ўйин олдидан ўз фикрларини билдирди.

"Шукрки, ҳамма яхши ҳолатда. Иншооллоҳ, финалда яхши ўйин кўрсатиб, халқимизни хурсанд қила оламиз.

Бизни финал кутиб турибди. Гап соврин ҳақида кетяпти. Албатта, финал бошқа ўйинлардан фарқ қилади.

Биласиз, сўнгги марта Ўзбекистонга қарши ўйнаганимизда иккинчи дақиқаданоқ ўн киши бўлиб қолган эдик. Ўзбекистон эса ўтган ўйинда ҳам ўзини яхши томонлама намоён этди, ривожланиб бораётган жамоа эканини кўрсатди. Финалда шиддатли ўйин бўлади. Лекин биз ҳам катта номларга эга жамоамиз. Бор кучимизни ишга солиб, яхши натижага эришишга ҳаракат қиламиз.

Кўпчилик Миср финалга чиқади деб ўйлаганди. Лекин бизга яна Ўзбекистонга дуч келадиган бўлди. Энг муҳими – ўз ўйинимизни кўрсата олиш. Ўзбекистон жаҳон чемпионатида иштирок этадиган жамоа ҳисобланади. Менимча, мухлислар қизғин ўйин гувоҳига айланади", деди 24 ёшли футболчи.

Эслатиб ўтамиз, Ўзбекистон ва Эрон ўртасидаги Al Ain Cup финали 18 ноябрь куни Тошкент ваққти билан соат 21:00 да старт олади.

Ҳавола :

Манба : varzesh3

Янгиликларни Телеграмда ўқинг!

Рейтинг: +2