Мбаппе тўланмаган маош масаласида ПСЖ билан судгача келишиб олишни истамади
11 сен 2024 21:14
Янгиликлар

Мбаппе тўланмаган маош масаласида ПСЖ билан судгача келишиб олишни истамади

Футболчи барча масалани судда ҳал қилади.

"Реал" клуби футболчиси Килиан Мбаппе собиқ жамоаси ПСЖ тўлаши керак бўлган 55 млн евро пул масаласини судгача, ўзаро келишган ҳолда ҳал қилиш таклифини рад этди.

Гап шундаки, бугун Франция Профессионал футбол лигасининг юридик масалалар бўйича кенгаши ПСЖ ва Килиан Мбаппенинг ҳуқуқшунослари иштирокида йиғилиш ўтказди. Кенгаш томонларни судгача келишиб олишга чақирди. Бу таклиф фақат ПСЖ томонини қониқтирди. Килиан Мбаппенинг вакиллари эса ПСЖ билан бу масала бўйича ҳамкорлик қилишни рад этишди. Энди барчаси судда ҳал бўлади.

Маълумот учун, Килиан Мбаппе ПСЖдан клубда ўтказган охирги уч ойи учун маош ва бонусларни (умумий миқдор 55 млн евро) талаб қилмоқда. Ҳужумчи бу масала бўйича Франция Профессионал футбол лигаси ва УЕФАга шикоят қилганди. Ушбу ҳолат бўйича ПСЖ клубига трансфер тақиқи тушиши мумкин.

Ҳавола :

Манба : RMC Sport

Янгиликларни Телеграмда ўқинг!

Рейтинг: +1