19 июнь куни "Реал" ҳужумчиси ўткир гастроэнтерит ташхиси билан касалхонага ётқизилди. Шу куннинг ўзида уни касалхонадан чиқариб юборишди. У ҳозирда даволанишни давом эттирмоқда.
L’Equipe нашрининг Марcа’га асосланиб хабар беришича, касаллик туфайли француз футболчи 4-5 килограмм вазн йўқотган. Мбаппе одатда тахминан 75 килограмм вазнга эга.
Олдинроқ хабар қилинганидек, ҳужумчи ҳали "Реал Мадрид"нинг умумий машғулотларига қайтмаган, бироқ у тренажер залида шуғулланмоқда.
