Марадона 30 октябрда 60 ёшга тўлади.
“Англияга яна битта гол уришни орзу қиламан, аммо бу сафар ўнг қўлим билан!”, дейди аргентиналик афсона.
Эслатиб ўтамиз, ЖЧ-1986 чорак финалида Марадона чап қўли билан Англия дарвозасига гол урган. Бош ҳакам эса тўп бош билан урилган деб ҳисоблаб, уни инобатга олганди. Учрашувда аргентиналиклар 2:1 ҳисобида зафар қучиб, 1/2 финалга чиққан ва кейинчалик мусобақа ғолибига ҳам айланганди. Марадона эса мундиалнинг энг яхши футболчиси бўлган.
