Журналист Бен Жейкобснинг маълумотига кўра, Каталония клуби 30 ёшли ярим ҳимоячи учун тахминан 45 миллион евро таклиф қилган, аммо Англия томони бу суммани етарли эмас деб ҳисоблаган. “Шаҳарликлар” етакчиларидан бири учун тахминан 75 миллион евро олмоқчи.
Рад жавобига қарамай, “Барселона” музокаралардан чиқиб кетиш ниятида эмас. Клубда аллақачон янги таклиф тайёрланмоқда, Родрининг ўзи эса каталонияликлар билан шахсий шартнома шартлари бўйича келишиб олгани айтилмоқда.
Испаниялик футболчи ўтган мавсум Англия Премьер-лигасида 21 та ўйин ўтказиб, 1 та голга муаллифлик қилган. Шунингдек, унинг ҳисобида Чемпионлар лигасида 5 та учрашув бор.
