UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  1 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  1 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  1 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  56 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Мана сенга олам-олам гул... Янгиликлар

Мана сенга олам-олам гул...

Бугун "Барселона" ютди, бўлиб ҳам асосий рақибини мағлуб этди.

Суперкубокда "Реал"дан учралган мағлубият, Кубокда "Атлетик Бильбао"га бой берилган ўйин... Бир қарашда "Барса" ҳалиям янги мураббийга мослашиш даврини кечираётгандек эди. Лекин бугун Мадриднинг "Атлетико"сини мағлуб этиш каталонияликлар учун катта қадам бўлди.

Ўйинни "Барса" кўтаринки руҳда ўтказди. Айниқса Адама Траорени айтмайсизми, худди анчадан бери бирга ўйнаб юргандек бир зумда жамоага қўшилиб кетди. Бугунги ўйин нимаси билан муҳим эди? Биринчи навбатда жамоаларнинг турнир жадвалида эгаллаб турган ўрни билан. Ўйингача "Атлетико" 36 билан 4, "Барселона" 35 очко билан 5-ўринда эди. 

Бугун қўлга киритилган ғалаба "Барса"га очколари сонини 38тага етказиш билан бирга 4-ўринга кўтарилиб олиш имконини берди. Эндиликда "Барса" учинчи ўриндаги "Бетис"дан 2 очко, биринчи ўриндаги "Реал"дан 12 очко ортда қоляпти. 

"Атлетико"га қарши баҳс кескин курашларга бой бўлди. Гарчи меҳмонлар ҳисобни очган бўлса-да, "Барса" ўзини йўқотиб қўймади ва биринчи таймда 3та гол билан жавоб берди. Иккинчи тайм бошларида Дани Алвеш 4-голни урди. Лекин унинг бир иши чатоқ бўлди: 69-дақиқада Карраскони бехосдан тепгани учун қизил карточка олиб четлатилди. 

Шунга қарамай, "Барса" қолган 20 дақиқада ўз дарвозасидан бошқа гол ўтказмади. Яъни олдинги ўйинларда бўлгани каби ҳимояда "мандраж" юзага келмади. "Атлетико" эса умуман ўзига ўхшамади. Тажовузкор ўйинни хуш кўрувчи "матрасчилар" Хави тузаётган жамоага қарши деярли ҳеч нарса қилишмади. 

Ўйиннинг кульминацион нуқтаси 10-дақиқада рўй берди. Жорди Альба жуда чиройли зарба йўллаб ҳисобни тенглаштирди. Бу голни қайта-қайта кўрсангиз арзийди. Агар шу гол бўлмаганида балки "Барселона" қийналиб қолармиди.

Хуллас, "Барса" ютди ва энди жамоа мухлислари бемалол эрталабгача "Мана сенга олам-олам гул, этагингга сиққанича ол" қўшиғини куйлаб ётишса арзийди. Кейинги турни "Барселона" 13 февралдан 14 февралга ўтар кечаси соат 01:00да "Эспаньол"га қарши ўтказади. Бизни олдинда Каталония дербиси кутмоқда. 

Барса Блогер.

Рейтинг: +23   

Фикрлар

championat.asia
< сўнгги янгиликларни кўриш
Яндекс.Метрика