"Локомотив"нинг мағлубиятсиз серияси 23та ўйинга етди
29 апр 2016 12:09
Янгиликлар

"Локомотив"нинг мағлубиятсиз серияси 23та ўйинга етди

Теглар : Локомотив

Кеча Тошкентнинг "Локомотив" клуби олий лиганинг 7-турида "Олмалиқ" клубини қабул қилиб 4:0 ҳисобида зафар қучди.

Шундай қилиб, "темирйўлчилар"нинг мағлубиятсиз серияси давом эттирилди.

Жамоа расмий ўйинда сўнгги бор 2015 йил 12 сентябрь санасида мағлуб бўлган. Олий лига доирасидаги "Пахтакор"га қарши ўйин 1:2 ҳисобида тугаган.

Шундан кейин бўлиб ўтган 23та ўйиннинг ҳеч бирида "Локомотив" ютқазмади.

Ўтган йил олий лигада охирги 9та турда, Ўзбекистон кубоги ярим финали жавоб баҳсида "Насаф" билан учрашувда, бу йил олий лиганинг дастлабки 7та турида, ОЧЛ доирасидаги 5та ўйинда ва Ўзбекистон кубоги 1/8 финалида "УзДонгЖу" билан учрашувида "темирйўлчилар" жами 18та ғалаба ва 5та дуранг қайд этишди.

Эслатиб ўтамиз, "Локомотив" кейинги ўйинни 4 май куни ОЧЛ доирасида ўз уйида "Ал Наср"га қарши ўтказади. Ушбу баҳсда Тошкент клуби мағлуб бўлмаса гуруҳдан кейинги босқичга чиқади.

Ҳавола :

Манба : championat.asia

Янгиликларни Телеграмда ўқинг!

Рейтинг: +6