“Локомотив” Онкология илмий марказида даволанаётган болажонларни байрам билан табриклади

Кўп йилдан буён ёзнинг илк кунида Халқаро болалар куни нишонлаб келинади. Жумладан, болажон ўзбек халқи ҳам ушбу байрамни жуда кўтаринки руҳда ўтказиб келади. Бугунги байрам муносабати билан "Локомотив" ПФК вакиллари ва ҳамкоримиз Orient Finans Bank ҳодимлари  Ўзбекистон Республикаси Соғлиқни сақлаш Вазирлиги Республика онкология илмий маркази болалар бўлимига ташрифдан кўзланган мақсад, бемор болакайларга совғалар улашиб, уларнинг кўнглини кўтариш эди. 

Таниқли футболчилар ва Orient Finans Bank  болажонларни табриклаш учун совға-саломлар олиб боргани бутун онкология  илмий маркази жамоасини ҳамда болаларнинг ота-оналарини ҳам жуда қувонтириб юборди. Кўтаринки руҳда ўтган ушбу ташриф давомида “Локомотив” аъзолари ва Orient Finans Bank ҳодимлари болажонларга совғалар улашишди, уларни байрам билан қутлаб, тезда шифо топишларига тилак билдиришди.