“Лех” мухлислари сабаб 8та ўйинни бўш трибунада ўтказади

Ушбу клуб янги мавсумнинг саккизта уй учрашувини мухлисларсиз, бўм-бўш стадионда ўтказишга маҳкум қилинди. Федерация тартиб-интизом қўмитаси бундай қарорга мамлакат чемпионатининг 30-тури доирасидаги “Лех” -“Легия” (0:3) учрашувидан сўнг келган.

Познань шаҳри клуби мухлислари ҳисоб 0:2 бўлиб турган бир пайтда майдонга файерларни улоқтиришган. Учрашув бош ҳаками эса 77-дақиқа ўтиб бораётган бир пайтда ўйинни тўхтатишга мажбур бўлган.

200 нафарга яқин полициячилар майдонга югуриб чиққан мухлисларни жойига қайтаришга уринган. Федерация “Легия”нинг 3:0 ҳисобидаги ғалабасини таъминлаган ва жамоани Польша чемпиони деб эълон қилган. “Лех” Польша чемпионатида 5та, Европа Лигаси гуруҳ босқичида эса 3та учрашувни мухлисларсиз ўтказади.